Тоҳир Кападзе: “Тажриба ва маҳорат бобида рақибдан устунлик қилдик”
03 oct 2013 19:12
News
![](https://championat.asia/upload/storage/101847_original.jpg)
![](/upload/storage/101847_220.jpg)
Тоҳир Кападзе: “Тажриба ва маҳорат бобида рақибдан устунлик қилдик”
- Ўйин яхши ўтди - дейди Тоҳир Кападзе. Мухлислар жангавор ўйинга гувоҳ бўлди. Бош ҳакам учрашувнинг дастлабки дақиқаларида дарвозамиз томон пеанльти белгилади. Бу вазиятни 50х50 баҳолайман. Шу тариқа мезбонлар 11 метрдан унумли фойдаланиб, ҳисобни очишга эришди. Кейинчалик йигитларимиз ўйинни ўз қўлларига олишга интилди ва яратилган вазиятлардан фойдаланди.
- Очиғини айтганда, тажриба ва маҳорат борасида биз бугун рақибдан устунлик қилдик. Рақиб футболчилари ҳам ёмон таассурот қолдирмади. Ёш бўлишига қарамай, тиришқоқлик кўрсатди.
- Иккинчи бўлим ўрталарида рақиб посбони майдондан четлатилди. Шундан сўнг мезбонлар 10 киши бўлиб қолди. Ҳисоб эса бизнинг фойдамизга 3:1 кўринишга келгач, “Регистон” футболчилари ўйинни сусайтириб юборгандек туюлди.
- Кейинги турда “Зарафшон-НЦЗ” меҳмони бўламиз. Бугун навоийликлар “Андижон”ни мағлубиятга учратишни уддалабди. Очиғи, андижонликлардан ғалаба кутгандик. Демак, “Зарафшон-НЦЗ” ҳам кучсиз жамоа эмас. Боз устига бу жамоа билан турнир жадвалида ёнма-ён жой эгаллаб турибмиз. Учинчи ўрин учун ўзаро кураш кечмоқда. Бўлажак ўйин кўп нарсага ойдинлик киритади.
Исломбек Рустамбеков суҳбатлашди.
![AMP Logo](https://championat.asia/image/logo-amp.png)
Comments