Тимур Васильев: "Бизда таниқли футболчининг ўзи йўқ"

Ушбу баҳсдан сўнг "Обод" клуби сардори Тимур Василев ўйинд ҳақида ўз фикрларини билдирди.

"Биз бор кучимиз билан ҳаракат қилдик. Барча футбол мухлислари яхши билади, "Обод" жамоаси қайта жонланди.15-20 кун ичида янги футболчиларни жамоага жалб қилдик. Таркибда ёш футболчилар кўп. Қўлимиздан келган барча ишни амалга оширяпмиз. Ҳозиргача 3та ўйин ўтказдик. "Бухоро" билан бўлган учрашувда кўп вазиятлар яратдик, фақат улардан иккитасидан фойдаландик. 

Омад биздан бироз юз ўгирди. "Бухоро" жамоаси анчадан бери олий лигада иштирок этиб келмоқда. Бир қатор тажрибали футболчилари бор. Бизда эса таниқли футболчининг ўзи йўқ. Кейинги турда "Бунёдкор"га қарши сафарда баҳс олиб борамиз. Бу футбол, шунинг учун ҳам ҳар қандай рақибга қарши ўйнаш керак. "Қалдирғочлар"га қарши учрашув олдидан яхши тайёргарлик кўрамиз. Йўл қўйилган хатолар устида ишлаймиз ва уларни бартараф этамиз", - дейди  Тимур Васильев

Жаҳонгир Сотволдиев ёзиб олди