Тимур Васильев: ”Биринчи даврани яхши кайфиятда тугатмоқчимиз”

Ушбу ўйин олдидан “Андижон” жамоасининг ярим ҳимоячиси Тимур Васильевнинг фикрлари билан қизиқдик.

-Ўзбекистон Кубогида яхши натижани қўлга киритиш бизнинг вазифамиз. Футболчилар ҳам, раҳбарият ҳам ўз олдига буни мақсад қилиб белгилаган.  Ўз уйимизда қабул қилаётганимиз бу албатта яхши. Ғалаба учун харакат қиламиз.  Олий лигадаги муваффақиятсиз учрашувлар сабаб мухлислар олдида уятдамиз. Бугунги кубокдаги ўйинимиз билан мухлисларнинг ишончини оқламоқчимиз.  “Насаф” га қарши ўйнаш доимо қизиқарли. Улар рақибга яхши ўйнаши учун имконият беради ва ўзлари ҳам чиройли ўйин намойиш этади.  Албатта, 5-6 та  омадсиз баҳслардан сўнг  жисмонан толиқиш ва рухий чарчоқ бор. Бу ўз ўзидан ўйинга таъсир қилади. Лекин бугунги учрашувда фақат ғалаба учун ҳаракат қиламиз. Биринчи даврани яхши  кайфиятда тугатмоқчимиз – дейди Васильев.