Тимур Турдиев: "Голларни ўз хатоларимиз эвазига ўтказиб юбордик"

Ўйин ҳақида

- Бугун қийин ўйин бўлди. Мезбонлар "Шўртан" жамоаси икки бор ҳисобда олдинга чиқиб олди, йигитлар ҳаракат қилишди ва ҳисобни тенглаштирдик. Бугун "Шўртан" ўйинда устунлик қилди деб айтмаган бўлардим, биз стандарт вазиятларда гол ўтказиб юбордик. Хатолар устида ишлаймиз.

- Демак, фикрингиздан келиб чиқса ўйин тенг курашлар остида ўтди ва ҳисоб ҳам шунга мос бўлдими?

- Ҳа, шундай десак тўғри бўлади. Тенг ўйин бўлди, ҳар икки жамоа майдонда охиригача курашди. Якуний ҳисоб бугунги ўйин учун адолатли натижа бўлди.

- Бугун ўйин давомида кўп асабийлашдингиз. Бу шогирдларингизнинг ҳаракатларидан кўнглингиз тўлмагани учун содир бўлган холатми?

- Ҳа, бугун рақиб вазият яратиб гол ургани йўқ. Голлар ўзимизнинг хатоларимиз эвазига йўқ жойдан урилди. Шу сабаб ўйин давомида йигитларга кескин тарзда кўрсатмалар бердим.