Latest news

23:50"Ал Ҳилол" Нуньес вакиллари билан боғланди. "Ливерпуль" ҳужумчиси таклифга рози  0 23:24Польша терма жамоаси ўйинчилари Левандовскининг сардорлик боғичи олиб қўйилганини "нишонлашди"  3 22:32ЖЧ-2026 саралаши. Қозоғистон ўз уйида мағлуб бўлди  19 22:21Расман: "Манчестер Сити" 40 млн. еврога ҳимоячи сотиб олди  12 22:08Алонсо "Реал"даги илк машғулотини ўтказди  1 21:41Левандовски терма жамоадан кетиши ҳақида: "Мураббий ишончимга хиёнат қилди. Гап ҳатто сардорлик боғичини олиб қўйиш қарорида ҳам эмас, балки бу ҳақда қандай хабар беришганида"  6 21:27Ўртоқлик учрашуви. U23 Ўзбекистон терма жамоаси Қирғиз Республикасини мағлубиятга учратди  0 20:37Ўзбекистон терма жамоасининг Қатар билан беллашувдан олдинги расмий машғулотидан ГАЛЕРЕЯ  15 20:22Хулен Лопетеги: "Катанец жуда яхши ишлар қилиб кетди, энди эса Тимур бу ишларни давом эттирмоқда. Ўзбекистон каби Осиёдаги энг кучли жамоаларга қарши майдонга чиқиш – анча жиддий чақирув"  14 20:05Тимур Кападзе: "Катанец билан бир-биримизни табрикладик. Биз Қатардан ҳар жабҳада кучлимиз"  37 19:37Остон Ўрунов қанча муддатга сафдан чиқди?  13 19:10Сергей Лебедев: "Ўтган ўйиндаги каби ҳаракат қила олмадик"  1 18:53"Интер"нинг бўлажак мураббийи "Парма"ни тарк этди  0 18:32Расман: Николич ЦСКА бош мураббийлигидан кетди  2 18:20"Манчестер Сити" дарвозабони клубни тарк этди  1

Тимур Кападзе: "Ўтган ўйиндагидан кўра бу сафар яхшироқ ҳимояландик" News

Тимур Кападзе: "Ўтган ўйиндагидан кўра бу сафар яхшироқ ҳимояландик"

Ўзбекистон Кубоги 3-тури доирасида "Навбаҳор" устидан қозонилган ғалабадан кейин "Олимпик" бош мураббийи Тимур Кападзе ўз фикрларини билдириб ўтди.


- Жамоамни ғалаба билан табриклайман. Яхши ўйин бўлди, йигитлар яхши ўйин кўрсатишди, охиригача курашишди. Энг асосийси - ғалаба қозондик. 3 кун олдин Наманганда мағлуб бўлгандик, ушбу ўйинни яхши тахлил қилиб чиқдик. Бир жамоа билан кетма-кет ўйнаш осон эмас. Лекин йигитлар ўзини кўрсатиб, ўтган ўйиндаги мағлубиятни ўрнини боса олишди. Иккала жамоа ҳам бугун яхши ўйин кўрсатди.

- Ўтган ўйиндаги хатолар устида ишлангани ғалабанинг асоси бўлди, деса бўладими?

- Албатта. Илк навбатда, "Навбаҳор" билан кетма-кет икки ўйин ўтказиш осон эмас. Бугунги ўйинга тайёрланиш учун икки кун вақтимиз бор эди. Айрим вазиятларда ишлар ўхшади, баъзиларида эса йўқ. Рақиблар дарвозамиз олдида вазиятлар яратганида биз тўғри ҳимояландик. Ўтган икки кун давомида ўйинни тўғри тахлил қилиб бордик. Ўша кунгидан кўра, бугун йигитлар яхшироқ ўйин кўрсата олишди. Ўтган сафаргидек ўйин қилганида бу сафар йигитлар тўғрироқ йўналишда ишлашди. Шунингдек, футболчиларим рақибнинг нозик нуқталарини билишарди ва бундан фойдаланишга ҳаракат қилишди.

- Бугунги ғалаба футболчиларнинг рухий ҳолатига қанчалар муҳим эди?

- "Навбаҳор" устидан қозонилган ғалаба қандайдир маънода йигитлар рухий ҳолатига ижобий таъсир қилади. Ўтган ўйинда ҳам йигитларнинг яхши ўйин кўрсатган жойлари бўлди. Мағлуб бўлганингиздан кейин истайсизми йўқми, ишонч бироз йўқолиб қолади. Ғалаба эса ишонч олиб киради. Бу чемпионат бўладими ёки кубок, фарқи йўқ. Бугунги ғалаба йигитларнинг рухий ҳолатига яхши таъсир кўрсата олади.

- Бугунги баҳсда футболчиларингиз оддий вазиятларда ҳам ерга йиқилиб олганини қандай изоҳлайсиз?

- Қайси вазиятларда? Демак, оғригандир, кимдир тепгандир, жони оғригандир. Йигитларимда мен симуляция ҳолатларини кўрмадим. Балки, баъзи жойларда қўполлик бўлгандир. Балки, жарима зарбасига мос бўлмаган контакт бўлгандир. "Навбаҳор"даги ўйинни кўрган бўлсангиз, у ерда "Навбаҳор" футболчиларига икки марта қизил карточка кўрсатилиши керак эди. Голбан жарима майдончаси ичида футболчимизни қўли билан урган жойи бор. Болтабоев биринчи бўлимда футболчимизни икки марталаб тепган жойи бор. Ҳозир ҳам ўша футболчиларнинг оёғи ишиб кетган. Ҳеч ким индамади. Нима қилиш керак? Бугунги ўйинда ҳакам барча вазиятга яқин бўлди. Борига чалди, йўғига ўйин берди. Умуман олганда мен курашларга берадиган қарорлар тарафдориман. Ёшларимиз ўйнаган жаҳон чемпионатига қарайдиган бўлсак, у ерда ҳакамлар курашларга беришмоқда. Бизда ҳам шундай бўлиши керак. Чунки биз келгусида терма билан мусобақаларга борсак, бундай ҳолатларга тайёр бўлишимиз керак. Лекин қўполликка йўқ. "Навбаҳор" билан Намангандаги ўйинда рақиблар қўпол ўйнади, жароҳатлар бўлиши эҳтимоли катта эди. Бунинг ортидан футболчилар нафақат рухан синиши мумкин, балки, кейинчалик термадаги келажагига ҳам таъсир ўтказиши мумкин. Албатта, бу футбол. Бироқ ҳакамлар қўполликни ҳам, ўйинга бериш кераклигини ҳам билиши керак. Бу уларнинг савиясини билдиради.

Rating: +3   

Comments

championat.asia
< show latest news
Яндекс.Метрика