Latest news

09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  2 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  9 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  6 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  34

Тимур Кападзе кечаги конференция бўйича таассуротлари билан ўртоқлашди News

Тимур Кападзе кечаги конференция бўйича таассуротлари билан ўртоқлашди

Кеча Anhor.uz сайти ташаббуси билан Тошкентдаги "Radisson BLU" меҳмонхонасининг конференциялар залида "Ўзбекистонда спорт ташкилотларини бошқариш ва жаҳон тажрибаси" мавзусида конференция ташкил этилди.

Ушбу тадбирда икки нафар россиялик мутахассис, шунингдек ўзимиздан бир қатор футбол фахрийлари, мураббийлар, ОАВ ходимлари ҳамда футбол кишилари иштирок этишди. Биз тадбирда қатнашганлардан бири "Локомотив" сардори Тимур Кападзе билан боғланиб, бир нечта саволга жавоб олдик. 

- Кеча бўлиб ўтган конференцияда сиз ҳам иштирок этдингиз. Бундан қандай хабар топдингиз? 
- Конференция бўлиб ўтишидан бир кун олдин хабардор бўлдим. "Локомотив" мураббийлар штабига яқинда келиб қўшилган Андрей Фёдоров бир кун олдин мен билан жамоамиз бош мураббийи Андрей Микляевга Россиядан футбол мутахассислари келгани ҳамда футбол ҳақида маъруза қилишлари, бу тадбирга бизлар ҳам таклиф қилинганимизни айтди. Шунда мен конференция мавзуси билан қизиқдим. Фёдоров мавзу асосан футбол тўғрисида бўлиши, футболни ривожлантириш учун нималар қилиш кераклиги, шунингдек болалар футболи ҳақида ҳам гаплар айтилади дегандан кейин иштирок этиш мен учун ҳам қизиқ туюлди. 

- Таассуротлар қандай? 
- Энди таассуротларга келадиган бўлсам, Россиядан келган мутахассисларни эшитдик, қолаверса ўзимизнинг футбол фахрийларимиз, мураббийлар, ОАВ ходимлари ва футболга алоқадор кишилар билан учрашдик. Умумуан олганда, яхши таасурот қолди. Менга шунингдек, Мирзаҳаким ака Тўхтамирзаевнинг ўзбек спорти борасидаги маърузаси маъқул келди. Тўғри, ўзбек футболида муаммолар кўп, аммо Мираброр Усмонов раҳбарлигида футболимиз янги босқичга чиқди деб бемалол айта оламан. Буни эсдан чиқариш керак эмас. Олдинлари кўп жойларда стадионлар бир аҳволда эди, қолаверса болалар футболига ҳам катта эътибор қаратилмасди. Лекин охирги йилларда кўп стадионлар қайта таъмирланиб, баъзи жойларда янгитдан қурилиб фойдаланишга топширилди. Шунингдек, болалар футболига бўлган эътибор кучайди. 

- Anhor.uz сайтида бир қатор футбол фахрийлари Ўзбекистон Республикаси Президенти Ш.Мирзиёевга резолюция (қарор) жўнатгани ҳақида хабар чиқди. Ва рўйхатдагилар орасида сиз ҳам борсиз. Бу ҳақда нима дея оласиз?
- Тўғрисини айтсам, мен қўйган имзо тадбирнинг бошида бўлди ва унинг резолюция (қарор) эканлигини билмаган ҳолда бизнинг мураббийлар имзо чекаётганда мен ҳам қўл қўйдим. Мен бу нима қоғоз деб сўраганимда, шу конференцияда иштирок этганингиз учун деган жавобни олдим. Бор гап шу. 

Х.Холиқов суҳбатлашди. 


Rating: -24   

Comments

championat.asia
< show latest news
Яндекс.Метрика