Тиаго Силва бир кун келиб "Милан"ни бошқариши мумкин

38 ёшли футболчининг клуб билан шартномаси мавсум охирида тугайди. Силва 2020 йил ПСЖдан эркин агент сифатида келиб қўшилган эди. Унга битим муддатини узайтириш бўйича ҳеч қандай таклиф билдирилмади.

Душанба куни "кўклар"нинг "россонери"га қарши Чемпионлар Лигаси ўйини олдидан Тиаго Силвага унинг "Милан"га қайтиш-қайтмаслиги борасида савол берилди: "Мен "Милан"да тарихимни яратганман, деб айта оламан. Шу туфайли ҳозирги ҳолатда бу амалга ошади, деб ўйламайман. Агар бу ҳар қандай ҳолатда ҳам рўй берганида, "Челси"га ўтишимдан олдин бўларди. Келажак ҳақида ҳеч нарса билмайман. Келажакда нима бўлишини ким ҳам биларди. Вазиятга кўра иш тутамиз. Лекин мен ҳозир "Челси"дек катта клуб ва профессионаллар билан бирга эканимдан жуда хурсандман. Келажакда кўрамиз. Балки мураббий сифатида "Милан"га борарман, ким билсин".