Тевес, Кюйт ва Верон тақиқланган препаратлардан фойдаланишган

Ҳужжатларда кўрсатилишича, 2015 йилда 150дан ортиқ футболчидан допинг топилган, кейинги йил эса тақиқланган препарат қабул қилганлар сони 200 нафарга етган.

Бундан ташқари, 2010 йилдаги жаҳон чемпионатида бир қатор футболчиларга тиббий кўрсатмаларга мувофиқ тақиқланган препаратлардан фойдаланиш рухсат этилган. Уларнинг орасида Дирк Кюйт (Голландия), Марио Гомес ва Ханс-Йорг Бутт (Германия), Мауро Каморанези (Италия), Карлос Тевес, Хуан Себастьян Верон, Габриэль Хайнце ва Диего Милито (Аргентина) бор. ЖЧ-2010да тиббий кўрсатмаларга мувофиқ 25 футболчи тақиқланган препаратлар қабул қилишга рухсат олган.

Шу билан бирга, Fancy Bears сайтига қўйилган маълумотларга кўра, 2017 йилнинг июнь ойида "Барселона" ярим ҳимоячиси Арда Туран жароҳати туфайли таъқиқланган препарат қабул қилишга рухсат сўраган, бироқ бунинг учун рухсат сўраш шарт эмас.