Терма жамоанинг Австрияга кетадиган таркиби маълум

Самвел Бабаян бу йиғинга 21 нафар футболчини олиб кетишга қарор қилди. Терма жамоа аъзолари бугун "Марказий" меҳмонхонасига тўпланишди. Биз меҳмонхонага келган футболчилар бўйича таркибни аниқлашга муваффақ бўлдик.

Сервер Жепаров, Шерзод Аъзамов ва Шуҳрат Муҳаммадиев жароҳат туфайли йиғинга боришмайди.

Эслатиб ўтамиз, терма жамоа Австриядаги йиғиндан қайтиб келгач 24 июль куни Ироқ билан ўртоқлик учрашуви ўтказади. Шохруз Норхонов, Зафар Полвонов, Достон Турсунов ва бошқа футболчилар айнан Ироқ билан баҳсдан олдин терма жамоа сафига қўшилишади.


Дарвозабонлар: Игнатий Нестеров ("Локомотив"), Элдорбек Суюнов ("Насаф")

Ҳимоячилар: Даврон Ҳошимов, Станислав Андреев, Камолиддин Тожиев (барчаси "Пахтакор"), Акромжон Комилов, Акмал Шораҳмедов (иккиси "Бунёдкор), Александр Мерзляков, Руслан Мелзиддинов (иккиси "Бухоро"), Ислом Тўхтахўжев ("Локомотив").

Ярим ҳимоячилар: Жавоҳир Соҳибов, Азим Аҳмедов, Жамшид Болтабоев, Шерзод Каримов, Жамшид Искандеров (барчаси "Пахтакор"), Саламат Қутибоев ("Бухоро"), Достонбек Ҳамдамов ("Бунёдкор"), Жасур Ҳасанов ("Локомотив")

Ҳужумчилар:  Мурод Бобожонов ("Нефтчи"), Элдор Шомуродов ("Бунёдкор"), Марат Бикмаев ("Локомотив").