Терма жамоалар маркази “Бунёдкор” ФКни табриклади
03 dec 2015 12:13
News

Терма жамоалар маркази “Бунёдкор” ФКни табриклади

Аввал хабар бериб ўтганимиздек, Осиё Футбол Конфедерацияси ярим ҳимоячимиз Достонбек Ҳамдамовни қитъанинг 2015 йилдаги энг яхши ёш футболчиси, деб топди.

Шу муносабат билан “Бунёдкор” ФК Бош директори номига Ўзбекистон терма жамоалар маркази табрикнома юборди. Унда, жумладан шундай дейилади:

Ҳурматли Бахтиёр Мелиевич!

Ўзбекистон терма жамоалар маркази Сизни ва “Бунёдкор” ФК жамоасини Достонбек Ҳамдамов томонидан қўлга киритилган, юксак эътироф – Осиёнинг 2015 йилдаги энг яхши ёш футболчиси унвони билан табриклайди.

Ушбу муваффақият бу йўналишдаги ўзбек футболида эришилган биринчи ютуқдир. Бу эса “Бунёдкор” ФКда ёшлар билан йўлга қўйилган иш фаол ва самарали олиб борилаётганидан далолатдир. Эътиборлиси, ОФК танлаган номзодларнинг якуний учлигини “Бунёдкор”нинг яна бошқа икки вакили – Элдор Шомуродов ва Забиҳилло Ўринбоев тўлдиришган эди.

Ўзбекистон терма жамоалар маркази номидан “Бунёдкор” ФК коллективини муборакбод этамиз. Клубнинг кейинги фаолиятига омадлар ва зафарлар, ёш иқтидорли футболчиларни тайёрлаш, жамоа олдидаги лойиҳаларни самарали бажариш ва ўзбек футболини ривожлантиришда йўлида олиб бораётган машаққатли меҳнатингизга муваффақиятлар тилаймиз.

Ҳурмат ва эҳтиром ила,
ТЖМ директори А.И.Толибжонов

Link :

Source : fcbunyodkor.com

Receive latest football news directly on your phone. Subscribe for our Telegram channel!

Rating: -2