Тен Хаг "Манчестер Юнайтед"даги илк машғулотида қатнашди
28 jun 2022 20:55
News

Тен Хаг "Манчестер Юнайтед"даги илк машғулотида қатнашди

"Manchester Evening News" Эрик тен Хаг бошчилигидаги жамоанинг мавсумолди йиғини биринчи кунини ёритиб борди.

Нашр маълумотларига кўра, тен Хаг ва унинг штаби вакиллари Стив Макларен ва Митчелл ван дер Гаг эрталаб соат 8 да клуб қароргоҳига келишган. Бош мураббий кун давомида ходимлар ва футболчилар билан учрашув ўтказган.

Футболчилар тиббий кўрикдан ўтиб, тренажёр залида машқ қилишган, тушдан кейин эса футбол майдонида икки соатлик машғулот олиб борилган. Машғулотларнинг асосий қисми тўп билан ишлашга бағишланган.

Клубдаги манбаларнинг айтишича, машғулотлар бошланишидан олдин Эрик тен Хаг бир неча дақиқа давомида нутқ сўзлаган.

Нашр мухбирларининг хабар беришича, машғулотларда фотографлар объективига тушмаган Маркус Рэшфорд ҳам иштирок этган. Машғулот жараёни 16:00 да тугаган.

Link :

Source : Manchester Evening News

Receive latest football news directly on your phone. Subscribe for our Telegram channel!

Rating: +11