Тен Ҳагга қишки трансферлар учун қанча пул беришади?

"Манчестер Юнайтед" бош мураббийи Эрик тен Ҳаг қишки трансферлар вақтида янги ўйинчилар учун камида 70 миллион фунт олади. Агар Криштиану Роналду "қизил иблислар" сафини тарк этса, бу миқдор ошиши мумкин. "Манчестер Юнайтед" фақат португалияликнинг маошидан ҳафтасига 450 минг фунт тежайди.

Эслатиб ўтамиз, ўтган ёзда манкунианлар янги футболчилар учун 240 млн сарф этишган. "Юнайтед" учун энг қимматга тушган футболчилар – Антони (95 миллион), Каземиро (70 миллион) ва Лисандро Мартинес (57 миллион).