Тен Ҳаг: "МЮ ривожланмоқда, ўйинимиз тамойиллари кўриняпти. Роналдуни табриклайман"

"Биз "Манчестер Сити"дан учралган мағлубиятга ўз муносабатимизни билдирмоқчи эдик. Бу Кипрда амалга оширилди. Ҳафтани яхши якунлаш муҳим эди, буни удалладик.

Биз жамоа сифатида ривжланяпмиз. Ҳали ўсишда давом этамиз. 

Биринчи бўлим яхши ўтди. Тўпга эгалик қилган ҳолда ҳам, тўпсиз ҳам ўйинни назорат қилдик.

Ўйинда ҳамма нарса идеал бўлмайди. Футбол – бу хатолар ўйини. Ўйинда қулай вазиятларга эга чиқдик. Сиз биз ўйнашни истаган тамойилларни кўришингиз мумкин эди.

Бошқа биров клублар миқёмида 700 та гол ура оладими? Айтиш қийин. Шубҳасиз, бу футболчи нуқтаи назаридан ақл бовар қилмайдиган нарса. Криштиануни табриклайман. У учун хурсандман. Бу унинг жорий мавсумдаги биринчи тўпи. Бу унга яқин ҳафталарда янада кўпроқ гол уришга ёрдам беради", – деди нидерландиялик мутахассис.