Темурхўжа Абдухолиқов Хорватия чемпионати совриндори
07 may 2014 11:46
News

Темурхўжа Абдухолиқов Хорватия чемпионати совриндори

Ўзбекистонлик ҳужумчи Темурхўжа Абдухолиқов январь ойида Хорватия олий лигаси иштирокчиси "Хайдук" клуби билан шартнома тузганди.

Куни кеча Хорватия олий лигасининг 34-тур ўйинлари бўлиб ўтди. "Хайдук" ўз майдонида "Истра 1961" клубини қабул қилиб мағлуб бўлди - 0:1. Баҳсда Абдухолиқов 90 дақиқа ҳаракат қилди. Айни пайтда "Хайдук" 59 очко билан мусобақа жадвалининг учинчи поғонасида бормоқда. Эътиборлиси клуб қолган икки турда қандай натижа қайд эътилишидан қатъий назар учинчи ўринда қолади. Иккинчи ўриндаги "Риека" ҳисобида 67 очко бор, тўртинчи поғонадаги "Сплит" ҳисобида 51 очко мавжуд.

Шундай қилиб Темурхўжа Абдухолиқов "Хайдук"даги илк мавсумида Хорватия чемпионати бронза медали соҳибига айланди. Клуб кейинги мавсумда Европа лигаси иккинчи саралаш босқичидан иштирок эта бошлайди.

"Хайдук" 11 май куни ўз уйида "Осиек"ни қабул қилади. Сўнгги турда 17 май куни амалдаги мамлакат чемпиони ҳисобланган Загребнинг "Динамо" клуби меҳмони бўлади.

"Хайдук" - "Истра 1961" 0:1
Гол: Радонич 63.

Link :

Source : championat.asia

Receive latest football news directly on your phone. Subscribe for our Telegram channel!

Rating: