Темур Яфаров: "Ҳозирча якка тартибда шуғулланиб турибман"
05 sep 2014 13:30
News

Темур Яфаров: "Ҳозирча якка тартибда шуғулланиб турибман"

Ўз вақтида мухлислар ва мутахассислар томонидан келажаги порлоқ ўйинчи сифатида эътироф этилган Темур Яфаровнинг фаолиятида охирги йилларда кескин пасайиш рўй бермоқда.

Бунга кўпинча жароҳат сабаб бўлди дейиш мумкин. Яфаров мавсум бошида Навбаҳор рўйхатидан ўтказилганди. Бироқ Наманганда Темур деярли ўйнамади. Шу боис мураббийлар штаби унга руҳсат беришга қарор қилди. Давралар оралиғида эса ҳимоячи ҳеч бир клубда кўринмади ва бугунги кунда ҳам Яфаровни ҳаттоки биринчи лига жамоасида учратмаяпмиз. Бунга ойдинлик киритиш мақсадида футболчининг ўзи билан боғланганимизда, қуйидагиларни айтиб ўтди.

- Ҳа, чиндан ҳам Навбаҳордан кетгач, ҳеч бир клубга бормадим. Сабаби ўша пайтда жароҳатим бор эди. Уни даволатиш учун бироз вақт кетиб қолди. Энди-энди ҳаммаси яхши бўлиб кетди. Бугунги кунда уйдаман. Рўзғор ишлари билан ҳам машғулман. Шу билан бирга якка тартибда шуғулланишни ҳам канда қилмаяпман. Ўзим учун махсус мураббий тайинлаб, бирга машғулот ўтказиб турибмиз. Насиб қилса энди кейинги мавсумдан ҳаммасини бошдан бошламоқчиман - дейди Темур Яфаров.

Link :

Source : championat.asia

Receive latest football news directly on your phone. Subscribe for our Telegram channel!

Rating: