Темур Ҳакимов: “Биз учун ушбу 3 очко жуда ҳам муҳим эди”

Ушбу баҳсда тошкентликларнинг қўли баланд келди (3:0). Ўйиндан сўнг  “Обод” клубининг илк голига муаллифлик қилган футболчи Темур Ҳакимов ўз фикрлари билан ўртоқлашди. 

“Навбаҳор” жамоасига қарши ўйинда қўлга киритилган муҳим ғалаба билан барча жамоадошларим ва клуб рахбариятини табриклайман. Биз учун ушбу 3 очко жуда ҳам муҳим эди. Майдонга жуда кучли тайёргарлик билан чиққандик. Тўғри, бизда гол уришимиз учун кўплаб вазиятлар бўлди, аммо улардан фойдалана ололмадик. Машғулотларда мана шу хатоларимиз устида ишлаб вазиятларни голга айлантиришга ҳаракат қиламиз. “Навбаҳор” бизга қарши бироз ўзига ўхшамасдан ҳаракат қилди. Бу бизнинг фойдамизга ишлади. Биз 3 очкони қўлга киритдик. Уларнинг жамоадаги муаммолари бизни муаммойимиз эмас. Кейинги турда биз чемпионат етакчиси бўлган “Локомотив” клубига қарши ўйин ўтказамиз. Ўша ўйинда биз бор кучимиз билан нималарга қодирлигимизни кўрсатамиз”, - дейди “Обод” клуби футболчиси Темур Ҳакимов.

Жаҳонгир Сотиболдиев суҳбатлашди