Latest news

17:15Исроил ҳужуми туфайли Тареми жаҳон чемпионатига бора олмади  1 16:43"Реал" Асенсио билан шартномани узайтирди  1 16:20Ўзбекистонлик спорт психологи "Сантьяго Бернабеу"да "Master in Sport Psychology" дипломини олди  6 16:00Эшитдик-да! "Пахтакор"га қарши ўйиндан сўнг Илёс Зейтуллаев истеъфога чиқарилиши мумкин. Раҳбарият ҳам ўзгаради  11 15:46Турнир тубидагилар тўқнашуви: “Сўғдиёна” Навоийда тарих ёзадими?   0 15:12"Манчестер Юнайтед" Бундеслиганинг 100 млн евролик футболчисига қизиқмоқда  2 14:40Родриго АПЛга ўтишни рад этди  5 13:43Ана холос! Гасперини Довбикка чиқиш эшикларини кўрсатмоқда  9 13:10Тарих сизнинг қўлингизда – Ўзбекистон терма жамоаси аъзолари имзолари қўйилган футбол тўпини ютиб олинг!  5 12:42Лондон клуби 70 млн фунтлик трансферни амалга оширишга тайёр  1 12:26Эшитдик-да! ЦСКА клубида ўзбекистонлик мураббий иш бошлашга яқин  0 11:51"Манчестер Сити" Грилишни 50 миллион фунтга сотмоқчи, аммо...  0 11:20Турғунбоевнинг голи турнинг энг яхшиси бўлишга даъвогар  17 10:55Марк-Андре тер Стеген фаолиятини АПЛнинг ТОП клубида давом эттириши мумкин  5 10:26Нидерландия терма жамоасининг яна бир собиқ футболчиси 13 йилга қамалиши мумкин  3

Тахмин: Италия A Серияси 2 йил ичида қандай ўзгарди? (О.С. блоги) News

Тахмин: Италия A Серияси 2 йил ичида қандай ўзгарди? (О.С. блоги)

Футболнинг исталган жиҳатида бирор яхши натижа этмоқчи бўлсангиз, албатта, бунинг учун пойдеворни камида 2-3 йил аввалдан қўйиб боришингиз керак бўлади. Қатар терма жамоаси Осиё кубогида чемпион бўлгани, "Ливерпуль"нинг Юрген Клопп келгач қайд этаётган натижалари — буларнинг барчаси аввалдан қўйилган пойдеворнинг натижаси.

Aслида, футболда олдиндан анализ қўйиш, фикр билдиришда ҳам шундай. 2019 йилнинг июль ойида "Интерфутбол" газетасида "Кучаяётган A Серия" номли мақола ёзган эканман. Бугун Ҳайит байрами сабаб (айтганча, айёмингиз муборак! 4 кунлик дам олишда маза қилиб дам олинг ва "Championat.asia"ни ўқишдан тўхтаманг!) уйга — Жиззахга келганимда шу газетадаги мақоламни топиб олиб, қайта ўқиб чиқдим. 

Ўша, 2 йил аввалги мақолада A Сериянинг йилдан-йилга кучаяётганини изоҳлаб берган эканман. 2018 йилги Жаҳон чемпионати вақтида Криштиану Роналдунинг "Ювентус"га ўтиши кўпгина мухлислар, шунингдек, ҳомийлар-у, A Серия ўйинлари транслациясини сотиб олмоқчи бўлганларнинг ортгани ҳақида фикр билдирганман. Бундан ташқари Италиянинг бошқа клублари ҳам ўз таркибларини кучайтиришаётганини эслаб ўтганман. 

Энг қизиғи, эса 2019/20 йилги мавсумда "Ювентус" эмас, балки бошқа жамоанинг чемпион бўлишини тахмин қилганман. Масалан — "Интер". Бунга жамоа таркиби кучайгани ва Aнтонио Конте эффекти сабаблигини билдирган эканман. Aммо ўтган йили "Ювентус" чемпион бўлди. "Интер" билан орасидаги фарқ 1 очко бўлди (ким билсин дейсиз, коронавирус деган касаллик тарқалмай, карантин бўлмаганида миланликлар чемпион бўлишга улгуришармиди?!). Бу мавсум эса ҳақиқатанам "Интер" чемпион бўлди. 

Ўша мақоламда ТОП даражадаги мураббийларнинг клубларга келиши, ишлашётгани ҳақида айтиб, "Милан"га Моуриньо келса чемпионатнинг янада зўр бўлиб кетишини ўзимча тахмин қилибман. Қарангки, "Милан" эмас, "Рома" янги мавсумни португалиялик мураббий билан бошламоқчи (ўша вақтда "Ювентус"да "Челси"ни Европа лигаси чемпиони қилган Маурицио Сарри, "Наполи"да "Реал Мадрид"ни Чемпионлар лигаси чемпиони қилган Карло Aнчелотти ишлаган экан). 

Aммо бир масалада адашибман — 2018/19 йилги мавсумда ЕЧЛ финалида ҳам, ЕЛ финалида ҳам Aнглия клублари ўйнашган экан. Мен эса келаси мавсум Италия клублари мазкур босқичларга етиб боришса ажабланмаслик кераклигини билдирганман. Ўтган мавсум-ку Франция ва Германия клублари бўлишди, бу мавсумда эса AПЛ клублари яна финалда! (ҳа, "Aрсенал", "Aрсенал"жон-а, чиқсанг бўлмасмиди?! Мақолани тўлиқ қилиб турардинг шу вақтда!)

Футбол, ишонинг, барибир зўр ўйин. Бу спорт тури ҳақида муҳокама ҳеч қачон тугамаган, тугамаяпти, тугамаса ҳам керак. Муносабатлар, фикрлар, таҳминлар доимо ҳам ўзини оқлайвермайди, қачон оқлаши мумкинлиги ҳақида эса мақоланинг аввалига қайтиб, дастлабки икки ҳатбошини ўқиб чиқсангиз билиб оласиз. Байрамингиз муборак!

P.S.: "ўзингнинг ҳеч кимга қизиқ бўлмаган тахмининг зўрға ўзини оқлабди, шунга ота гори қози хонами?" деб юбормассиз, ҳай. Шу, шугина мақола эсга тушиб ёздим, шунчаки.

Оғабек Самисов

Rating: +6   

Comments

championat.asia
< show latest news
Яндекс.Метрика