Тарихда бугун: 2015 йил М.Қосимов, 2016 йилда эса С.Бабаян Ўзбекистон МТЖ билан машғулот ўтказган
23 mar 2020 16:15
News

Тарихда бугун: 2015 йил М.Қосимов, 2016 йилда эса С.Бабаян Ўзбекистон МТЖ билан машғулот ўтказган

Деярли бутун дунёда футбол учрашувлари вақтинча тўхтатилгани сабаб ўқувчиларимизни зериктириб қўймаслик мақсадида "Тарихда бугун" рукнига қўл ургандик.

Тарихда бугун: Ўзбекистон МТЖ Сенегал билан дуранг ўйнаган, "Пахтакор" эса "Сепахон"ни мағлуб этган ГАЛЕРЕЯ

2015 йилнинг айнан бугунги санасида Миржалол Қосимов бош мураббий сифатида Ўзбекистон миллий терма жамоаси билан машғулот ўтказган. Орадан роппа-роса бир йил ўтиб эса Самвел Бабаян терма жамоа билан машғулот олиб борган. Қуйида Қосимов ва Бабаян бошчилигида 2015 ва 2016 йил ўтказилган машғулотлардан суратларни эътиборингизга ҳавола этамиз.

Миржалол Қосимов бошчилигида терма жамоамиз ўшанда Жанубий Корея ҳамда Японияга қарши бўлажак ўртоқлик ўйинларига тайёрланаётган эди.

Санжар Турсунов ва Баҳодир Насимовлардан "дон-дон-зики")

Зоҳир Қўзибоев орадан тўрт кун ўтиб Ж.Корея дарвозасига тўп киритганди.

Энди эса бир йил кейинга йўл оламиз. Миржалол Қосимов ЖЧ-2018 саралаши доирасида Пхеньянда КХДРга 2:4 ҳисобида учралган мағлубиятдан кейин истеъфо берган. Унинг ўрнини эса Самвел Бабаян эгаллаганди. 2016 йилнинг 23 мартида айнан Бабаян терма жамоа билан машғулот ўтказган.

"Бунёдкор" стадионида ўтган ўша машғулотда қатнашган ўйинчилар рўйхати:

Дарвозабонлар: Александр Лобанов ("Персеполис" – Эрон), Игнатий Нестеров ("Локомотив"), Элдор Суюнов ("Насаф").

Ҳимоячилар: Даврон Хошимов ("Пахтакор"), Акром Комилов ("Бунёдкор"), Анзур Исмоилов ("Чанчунь Ятай" – Хитой), Егор Кримец ("Бейжин Гоан" – Хитой), Ислом Тўхтахўжаев ("Локомотив"), Камолиддин Тожиев ("Пахтакор"), Виталий Денисов ("Локомотив" – Россия).

Ярим ҳимоячилар: Жавоҳир Соҳибов ("Пахтакор"), Одил Аҳмедов ("Краснодар" – Россия), Азизбек Ҳайдаров ("Аш-Шабоб" – БАА), Фозил Мусаев ("Сепаҳон" – Эрон), Сардор Рашидов ("Ал-Жаиш" – Қатар), Санжар Турсунов ("Ум-Салал" – Қатар), Станислав Андреев ("Пахтакор"), Отабек Шукуров ("Бунёдкор"), Сервер Жепаров ("Локомотив"), Жасур Ҳасанов ("Локомотив"), Санжар Шоаҳмедов ("Локомотив"), Элдор Шомуродов ("Бунёдкор").

Ҳужумчилар: Александр Гейнрих ("Ордабаси"), Игорь Сергеев ("Пахтакор"), Марат Бикмаев ("Локомотив").

Бу машғулот терма жамоамиз учун ЖЧ-2018 саралаши доирасида Филиппинга қарши баҳсдан олдинги расмий машғулот эди. Филиппин билан ўйинга эса эртага тўхталамиз.