Таниқли мутахассис Италия терма жамоасини тарк этди

58 ёшли Жанлука Виалли соғлиғи ёмонлашгани сабабли Италия терма жамоаси координатори лавозимини тарк этишга мажбур. Бу ҳақда "Calciomercato" хабар бермоқда.

"Сампдория", "Ювентус" ва "Челси" собиқ ҳужумчиси яна ошқозоности бези саратони билан курашади. Виалли даҳшатли ташхисни 2017 йилда эшитган, аммо бир йил ўтгач, шифокорлар уни касаллик устидан ғалаба қозонишига ишонтиришган.

Афсона Роберто Манчини таклифини қабул қилди ва Италиянинг Евро-2020даги ғалабасининг муҳим қисми бўлди.

2021 йил декабрь ойида Жанлуканинг саратон билан боғлиқ муаммолари қайтгани маълум бўлди. Италиялик тўлиқ эътиборни даволанишга қаратмоқчи, шунинг учун у ишни қурбон қилишига тўғри келади.