«Сурхон»да нима гап?

Узоқ муддатлик танаффусдан сўнг ниҳоят ўтган йилдан яна Про-лигада иштирокини бошлаган «Сурхон»дан бу йил маҳаллий мухлислар кучлилар сафига қайтишини кутмоқда. Бироқ жамоа ҳануз ўқув-машғулот йиғинларини бошламаган. Айтишларича,  «Сурхон»да яқин орада эътиборга молик ўзгаришлар рўй бериши кутилмоқда. 

Ўтган мавсум клуб менежери сифатида иш олиб борган Эркин Холбобоев истеъфога чиқарилган. Шунингдек бош мураббий Сергей Ковшов ҳам термизликлар билан шартномаси якунига етгач, «Цементчи»дан тушган таклифни қабул қилди. Шу боис ушбу ҳафтада Сурхондарё вилояти ҳокимининг, клубнинг янги раҳбариятини тасдиқлаши кутилмоқда. Шундан кейин энг аввало бош мураббий масаласи кўриб чиқилади. Сўнгра жамоа тайёргарликка киришади. Маълумот учун «Сурхон» ўтган йили чемпионатни 4-ўринда тугатганди.