"Сурхон" ФК: Шквирин бир кунгина машғулотда қатнашмади, у жамоадан кетмаган
24 aug 2018 19:52
News

"Сурхон" ФК: Шквирин бир кунгина машғулотда қатнашмади, у жамоадан кетмаган

Бугун сайтимизда Игорь Шквирин "Сурхон"дан кетишини маълум қилган сарлавҳали хабар чоп этилди.

"Сурхон" футбол клуби ушбу маълумотни инкор қилди.

"Игорь Шквирин бугунги машғулотларда бевосита иштирок этди. Жамоа "Норин"га қарши жиддий тайёргарлик кўрмоқда. Ҳурматли футбол ишқибозлари ижтимоий тармоқларда "Сурхон" жамоаси ҳақида чиқадиган маълумотларга кўп ҳам ишонмасликларингизни илтимос қиламиз.

Айтганча, Игорь Шквирин 22 август кунги машғулотларда иштирок этмаслиги ҳақида олдиндан клуб маъмуриятини огоҳлантирган", - деб ёзилган "Сурхон" клубининг телеграмдаги каналида.