“Supermokh Cup 2016”. 3-кун. “Бунёдкор” Лисабоннинг “Спортинг”идан енгилди

3-турда “Бунёдкор”нинг ҳар иккала ёш тоифаси Португалиянинг “Спортинг” жамоаси тарбияланувчилари билан беллашишди.
2002 йилда туғилганлар ўртасида кечган баҳсда европаликлар 3:0 ҳисобида ғолиб чиқишди. U-12 ёш тоифасида ҳам лиссабонликлар йирик ҳисобда зафар қучишди – 0:4.

Шу тариқа, “Бунёдкор”нинг ҳар иккала жамоаси гуруҳ босқич учрашувларини якунладилар.

Унга кўра, Сергей Чигодаев ва Акмал Рисқуллаев бошчилигидаги 2002 йилда туғилган тарбияланувчиларимиз чорак финалга ўтиш ўйинида иштирок этишади. Рақиб Таиланд терма жамоаси. Ушбу учрашув 15 декабрь куни маҳаллий вақт билан 12:40да бошланади.

Миркамол Қосимов ва Темур Бобохонов бошчилигидаги 12 ёшли футболчиларимиз эса мусобақа регламентига кўра бир кун дам олишади. 16 декабрдан эса ўз гуруҳларида 3 ва 4-ўринни эгаллаган жамоалар билан кичик кубок учун курашни давом эттиришади.