Суперлига. "Сурхон" қанчадан бери Тошкент жамоаларини енголмаяпти?

Термизнинг "Сурхон" клуби дастлабки турни "Пахтакор" ўйингоҳида "Олимпик" жамоасига қарши ўтказади. Тимур Кападзе шогирдлари бугун Суперлигада дебют қилишади. Шу туфайли "Сурхон" ва пойтахтнинг бошқа жамоалари ўртасидаги статистикага тўхталамиз. 

1. "Сурхон" "Пахтакор"ни 19 йилдан бери енголмаяпти. "Шерлар"га қарши сўнгги 3 ўйинда  15 та гол ўтказиб юборган термизликлар бирорта ҳам тўп кирита олишолмаган.

2. "Сурхон" "Локомотив"ни ҳеч қачон таслим қила олмаган.

3. "Сурхон"нинг Тошкент клублари устидан қозонилган охирги ғалабаси 2019 йилнинг июнь ойида қайд этилган (2:0, "Бунёдкор").

Умуман олганда, Термиз клуби элитага қайтгач (2019), пойтахт жамоалари билан 18 бор тўқнашиб, фақат 1 мартагина 3 очко олишни уддалади.