Суперлига. "Насаф" ўз уйида "Қизилқум" билан дуранг ўйнади
10 may 2019 21:54
News

Суперлига. "Насаф" ўз уйида "Қизилқум" билан дуранг ўйнади

Суперлиганинг 8-туридан ўрин олган "Насаф" - "Қизилқум" учрашуви бўлиб ўтди.

Ўйиннинг 20-дақиқасида мезбонлар ҳисобни очиш учун жуда қулай имкониятга эга бўлишди. Бобир Давлатов чамаси 3-4 метрлар масофадан тўпни дарвозага йўллади, тўп дарвоза тўсинига тегиб қайтди. 21-дақиқада Смитнинг ўнг қанотдан ҳаволатиб жарима майдончасига узатган тўпини Элгужа Григалашвили бош билан дарвозага ноаниқ йўналтирди.

32-дақиқада Саитовнинг ҳаводан узатга тўпини Ҳумоюн Муртозаев дарвозага йўллади, ноаниқ. 39-дақиқада Азизжон Ғаниевнинг жаримадан йўллаган зарбасига аниқлик етишмади.

42-дақиқада Мурод Бобожонов чап қанотдан бир ўзи жарима майдончасига кириб борди ва тўпни Григалашвилига узатди. Элгужанинг яқин масофадан йўллаган зарбасини рақиб ҳимоячилари бартараф этишди.

Биринчи тайм тугади.

47-дақиқада Элгужа Григалашвилининг узоқ масофадан йўллаган зарбаси ноаниқ чиқди.

49-дақиқада бурчакдан узатилган тўпни Мурод Бобожонов боши билан дарвзага аниқ йўллади. Тўп дарвоза устунига тегиб тўрга йўл олди - 0:1.

Орадан 2 дақиқа ўтгач майдон эгалари ҳужумчиси Ҳумоюн Муртозаев ҳисобни тенглаштирди - 1:1.

64-дақиқада Ҳумоюн Муртазоев ўзига хос "финт" ишлатиб уч ҳимоячини алдаб ўтди ва дарвозабон билан бирга бир вазиятга чиқиб бориб зарба берди. Тўп дарвоза устуни олдидан ўтиб кетди.

71-дақиқада Медина Смитнинг зарбаси хавфли лекин ноаниқ бўлди.

74-дақиқада "Насаф" ҳимоячилари хавфни бартараф этишди ва тезкор ҳужум уюштиришди. Бобир Давлатовнинг чамаси 18 метрлардан йўллаган зарбаси ноани чиқди.

85-дақиқада бурчакдан узатилган тўпни Ҳумоюн Муртазоев боши билан дарвозага йўналтирди, ноаниқ.

Ўйинда 1:1 ҳисоби қайд этилди.

Суперлига, 8-тур
НАСАФ – ҚИЗИЛҚУМ 1:1
10 май 2019 йил. Қарши. "Марказий" стадион. 20:00
Ҳакамлар: Шерзод Қосимов, Алишер Усмонов, Санжар Шоюсупов, Шуҳрат Ражабов
Назоратчи: Бахтиёр Тоғаев
Комиссар: Жамшид Имомов

Голлар: Мурод Бобожонов 49, - 0:1. Ҳумоюн Муртозаев 51, - 1:1.

“Насаф”: 35. Абдувоҳид Неъматов, 5. Ғолиб Ғайбуллаев, 6. Азизжон Ғаниев, 8. Дилшод Саитов, 9. Хумоюн Муртозаев, 17. Дониёржон Нарзуллаев (77. Ойбек Бозоров, 46), 18. Бобир Давлатов (27. Ислом Рашидхонов, 80), 19. Сардор Абдураимов, 20. Ислом Кенжабоев (14. Шароф Мухитдинов, 70), 28. Хуршидбек Мухторов, 92. Умарбек Эшмуродов
Захира: 1. Умиджон Эргашев, 2. Сардор Садуллаев, 4. Хусниддин Алиқулов, 16. Алишер Юсупов, 22. Акмал Мозговой, 30. Худоёрхон Сагдуллаев,

“Қизилқум”: 22. Артем Макосин, 4.Эркин Бойдуллаев, 7.Муродбек Бобожонов (10. Алишер Саноев, 62), 17. Салим Мустафоев, 18. Элдор Бойматов, 21. Муҳсинжон Убайдуллаев, 23. Шерали Жўраев, 30. Элгужа Григалашвили (19. Миржалол Қосимов, 82), 36. Хуршиджон Олимов (9. Ҳумоюн Абдуалимов, 85), 44. Мақсуд Каримов, 99. Ариагнер Смит Медина
Захира: 8. Акмал Рустамов, 25. Азизбек Усмонов, 28. Сардор Жаҳонов, 97. Суҳробжон Ярашов

Огоҳлантиришлар: Муҳсин Убайдуллаев 38, Ҳумоюн Абдуалимов 89, Азизжон Ғаниев 90+3, Медина Смит 90+4.

Nasaf

Humoyun Murtozaev - 51'

Superliga. Round 8

10/05/2019, 20:00

Finished

Qizilqum

Murod Bobojonov - 49'

45'

90'