Суперлига. Черан Гейнрихни ортда қолдирди

Pakhtakor Dragan Ceran - 35', Dragan Ceran - 39', Dragan Ceran - 50', Sardor Sobirkhodjaev - 59', Dragan Ceran - 78'

Superliga. Round 22 18/10/2022, 18:30 2 : 5 Finished

Kokand-1912 Javokhir Sidiqov - 29', Oybek Rustamov - 45'

45'

90'

35'  Dragan Ceran

39'  Dragan Ceran

39'  Farrukh Sayfiev

50'  Dragan Ceran

50'  Farrukh Sayfiev

59'  Sardor Sobirkhodjaev

59'  Azizbek Turgunbaev

78'  Dragan Ceran

29'  Javokhir Sidiqov

29'  Oybek Rustamov

45'  Oybek Rustamov

45'  Kuvondik Ruziev

Open in Match Center

Сидиқов ҳисобни очган ўйин тақдирини Драган Черан ҳал қилиб кетди. Шундан кейин сербиялик "киллер"нинг Ўзбекистон чемпионатидаги статистикасини келтиришни лозим топдик. 

Топ-15

Футболимизга 2016 йил "Насаф" орқали кириб келган Драган бугун Суперлигадаги 158-ўйинини ўтказгани ҳолда 111-голини расмийлаштириб қўйди. Сербиялик футболчи шу тариқа Ўзбекистон чемпионати тарихидаги энг яхши тўпурарлар рейтингида Шуҳрат Раҳмонқуловни ортда қолдириб, Сервер Жепаровга етиб олди (15-ўрин).

Айни пайтда у Суперлига тарихида энг кўп гол урган легионер ҳисобланади. Черандан ташқари, фақат туркманистонлик Артур Геворкянгина юзлик довондан ошишни уддалаган (105).

10-гол

"Пахтакор" сардори кеча водий клубига қарши 11-ўйинини ўтказиб, умумий ҳисобда 10-марта қўқонлик мухлисларни ранжитди. Фақатгина "Бухоро" мухлислари Черандан кўпроқ азият чекишган (12 марта). 

Факт: Сербиялик футболчи Суперлигада ўзи тўқнашган 19 жамоага гол уришни уддалаган. У фақатгина элитага жорий йилдан қўшилган "Олимпик" дарвозасига йўл топа олмаяпти.

Топ-3

Черан "Пахтакор" либосидаги 77-голини уриб, жамоанинг Ўзбекистон чемпионати тарихидаги тўпурарлари рейтингида Александр Гейнрих ва Зайниддин Тожиевни ортда қолдириб, 3-ўринга кўтарилиб олди. Ундан тепада Анвар Солиев (86) ва Игор Сергеев (101) жойлашган.

Драган яна 25та гол урса, клуб тарихидаги энг яхши бомбардирга айланади.

Рекорд

Мазкур "покер"дан кейин қаҳрамонимиз яна "Олтин бутса" учун асосий даъвогарга айланиб олди. У қаторасига 3 бор тўпурарлар пойгасини ютган чемпионатимиз тарихидаги ягона ўйинчи ҳисобланади. Агар жорий мавсум охирида ҳам "снайперлик" Черанга насиб қилса, ушбу натижани узоқ йиллар ҳеч ким янгилай олмаса керак...

Муаллифнинг телеграмдаги канали → ФР| футбол АНАЛИЗИ