Суперлига. 7-тур лауреатлари
09 may 2022 14:31
News
Championat.asia тур баҳслари асосида тур лауреатларини аниқлади.
"Пахтакор" бу турда Қаршида "Насаф" меҳмони бўлди ва 0:0 ҳисобида дуранг ўйнади. Тошкентлар посбони шу куни яхши ўйнади ва рақибларнинг бир қатор зарбаларини қайтаришга эришди. Агар Қувватов бўлмаганида "Насаф" ғалаба қозониб кетиши ҳам мумкин эди. "Пахтакор" посбони Санжар Қувватов championat.asia сайти талқинига кўра 7-турнинг энг яхши дарвозабони деб топилди.
АГМК бу тур Олмалиқда "Сўғдиёна"ни қабул қилиб, 3:2 ҳисобида мағлуб этди. Қосимов АГМК бош мураббийи сифатида илк бор "Сўғдиёна"ни таслим қилди. Жиззах клуби бу мавсумдаги илк мағлубиятни айнан шу ўйинда қабул қилиб олди. Championat.asia сайти талқинига кўра, 7-турнинг энг яхши мураббийи Миржалол Қосимов бўлди.
Бу турда "Динамо" ярим ҳимоячиси, Шоҳмалик Комилов "Олимпик" билан баҳсда ажойиб гол урди ва тур голи муаллифига айланди. ВИДЕОНИ КЎРИШ
АГМК ярим ҳимоячиси Хуршид Ғиёсов "Сўғдиёна"га қарши баҳсда жуда фаол ўйнади ва иккита гол урилишида қатнашди. Айнан унинг тўп узатишидан кейин Гадоев ғалаба голини урди. Шу тариқа, Хуршид Ғиёсов championat.asia талқинига кўра 7-турнинг энг яхши футболчиси деб топилди.

Similar news
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Comments