Суперлига. 6-тур рамзий терма жамоаси

Унга кўра, дарвозага АГМК посбони Павел Матяш лойиқ кўрилди.

Чап қанот ҳимоясига эса "Қўқон-1912" футболчиси Александр Мерзляковни қўйдик.

Марказий ҳимояда "Пахтакор" легионери Марко Симич ва "Насаф" легионери Игорь Голбанни муносиб кўрдик.

Ўнг қанот ҳимояси эса АГМКдан Абдуқаҳҳор Хожиакбаров билан тўлдирилди.

Марказий ярим ҳимоячилар сифатида Сардор Собирхўжаев ("Бунёдкор") ва Роббим Ҳасанов ("Бухоро") танлаб олинди. Бу икки ярим ҳимоячилар ушбу турда фаол ўйинлари билан ажралиб туришди. Собирхўжаев "Металлург"га қарши баҳсда гол урди ва битта голга пас ҳам берди.

Чап қанот вингери сифатида "Сўғдиёна"дан Иззатилла Абдуллаев танланди. Захирадан туширилган Абдуллаев битта гол урди ва битта голга пас берди. Шу тариқа, у жамоасининг чиройли камбэкни амалга оширишига катта ҳисса қўшди.

Ўнг қанот вингери эса "Бухоро"дан Азиз Ибрагимов. Захирадан майдонга туширилган Ибрагимов жамоасининг ғалаба тўпини киритди.

6-тур рамзийсида ҳужумга Шаҳзод Нурматов ("Бунёдкор") ва Драган Черан ("Насаф") қўйилди. Ҳар икки ҳужумчи ҳам бу ҳафтада биттадан гол уриб, биттадан голли пас берди.

Демак 6-тур рамзий терма жамоаси билан танишинг:
Дарвозабон: Павел Матяш

Ҳимоячилар: Игорь Голбан, Абдуқаҳҳор Хожиакбаров, Марко Симич, Александр Мерзляков

Ярим ҳимоячилар: Сардор Собирхўжаев, Роббим Ҳасанов, Иззатилла Абдуллаев, Азиз Ибрагимов

Ҳужумчилар: Шаҳзод Нурматов, Драган Черан