Latest news

01:42А Серия. "Интер" ўз майдонида ютқазди, "Лацио"дан йирик ғалаба  1 01:15АПЛ. Эмилиано Мартинес қайдномага киритилмаган ўйинда "Астон Вилла" ўз майдонида йирик ҳисобда ютқазди  0 00:52Давид Райя: "Янги тўплар эскисидан фарқ қилади"  2 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:40ЛаЛига. "Райо Вальекано" - "Барселона" баҳси асосий таркиблари маълум!  7 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  35 22:55"Севинч" тарих яратди ва ОЧЛга йўлланма олди!  4 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  21 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  40 21:53"Манчестер Юнайтед" янги дарвозабони билан келишувга эришди  10 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1

Суперлига. 3-тур рамзий терма жамоаси News

Суперлига. 3-тур рамзий терма жамоаси

Суперлиганинг 3-турида ёрқин ўйинлари туфайли тур рамзийсига киритилган футболчилардан иборат жамоани тақдим этамиз.

"CA" Суперлигани янгича форматда ёритади

Суперлига 3-тур рамзий терма жамоасининг тактик схемаси 3-5-2ни ташкил қилди.

Унга кўра, рамзий терма жамоа дарвозасига "Навбаҳор" посбони Ботирали Эргашев муносиб кўрилди. Ушбу кипер "Локомотив"га қарши баҳсда дарвозаси даҳлсизлигини сақлади ва ўйин давомида 6 маротаба сейв амалга оширди.

Уч нафар марказий ҳимоячилар сифатида "Бунёдкор" сафида қўрғонда ишончли турган Рустам Ашурматов, "Навбаҳор"да ишончли ва фойдали ўйнаган Томислав Пайович ҳамда "Бухоро"нинг легионер ҳимоячиси Марко Клисура ўрин олишди. Марко Клисура "Сўғдиёна"га қарши баҳсда ўзининг янги жамоасидаги дебют ўйинини ўтказди ва мустаҳкам ўйини билан илиқ таассурот қолдирди.

Ярим ҳимоянинг таянч зонасида "Металлург" футболчиси Шаҳзод Шайманов қўйилди. Шайманов "Қўқон-1912"га қарши баҳсда жамоасининг майдон марказида устуни бўлди. Футболчи нафақат рақиб ҳужумларини бузиш билан машғул бўлди, балки ҳужумларни ташкил этишда ҳам бирдек фаоллик кўрсатди. Ярим ҳимоя чизиғининг марказида эса "Бунёдкор"дан Сардор Собирхўжаев ҳамда "Навбаҳор" ярим ҳимоячиси Аъзам Алиев ўрин олишди. Сардор Собирхўжаев тобора ўз спорт формасини тиклаётгани сезилиб турибди. Футболчи "Нефтчи" билан баҳсда анча ишончи ва фойдали ўйнади. Жамоасининг ягона киритилган голида ҳам айнан ушбу футболчи ассистентлик вазифасини аъо даражада бажарди. Аъзам Алиев эса "Локомотив" билан бўлган ўйинда нисбатан ўз позициядан бегона жойда ҳаракат қилди. Лекин шунга қарамай нотаниш нуқтада йўқолиб қолмаган Аъзам Алиев жамоаси ўйинини кучайтирди.

Қанот вингерлари сифатида "Насаф"дан Жасур Ҳасанов олинган бўлса, қарама-қарши қанотдан Тиаго Безерра ўрин олди. Ҳар иккала футболчи кечаги тур ўйинларида жамоаси ғалабасига муносиб улуш қўшишди. Безерра ҳам гол уриб, жамоаси фойдаси учун пенальти ишлаган бўлса, Ҳасанов "Насаф"нинг ҳар иккала голида ассистентлик вазифасини мукаммал бажарди. Жасур Ҳасанов айни пайтда бежизга 3та голга тўп узатма берган ҳолда ассистентлар рўйхатида якка пешқадамлик қилмаяпти.

Ҳужум чизиғига эса 3-турда ёрқин футбол кўрсатган Баҳодир Насимов ҳамда Бобир Абдихолиқовни қўйдик. Насимов "Бухоро" сафида жамоасининг муҳим голларидан бирига муаллифлик қилди ва "Сўғдиёна"га қарши баҳсда ўзининг яхши тарафларини кўрсатди. "Насаф"нинг "найза"сига айланиб бораётган Бобир Абдихолиқов эса бу сафар ҳам майдонни голси тарк этмади.

Рамзий терма жамоа (3-5-2)

Дарвозабон: Ботирали Эргашев ("Навбаҳор")

Ҳимоячилар: Томислав Пайович ("Навбаҳор"), Рустам Ашурматов ("Бунёдкор"), Марко Клисура ("Бухоро")

Марказий ярим ҳимоя чизиғи: Шаҳзод Шайманов ("Металлург"), Сардор Собирхўжаев ("Бунёдкор"), Аъзам Алиев ("Навбаҳор")

Вингерлар: Жасур Ҳасанов ("Насаф"), Тиаго Безерра ("Пахтакор")

Ҳужумчилар: Баҳодир Насимов ("Бухоро"), Бобир Абдихолиқов ("Насаф")

Rating: +42   

Comments

championat.asia
< show latest news
Яндекс.Метрика