Latest news

03:05Баҳром Ҳайдаров: "Бизга натижа чиройли ўйиндан кўра муҳимроқ эди”  0 03:00Финал: "Барселона" - "Реал" 2:2 (матнли трансляция)  157 02:34Элит ОЧЛ. "Ал Аҳли" ва "Ал Насср" қийинчиликсиз ярим финалга йўл олди  14 00:38"Бавария" футболчисини 40-50 миллионга сотмоқчи  0 00:16Сиссе "Реал" ва ҳакамлар танқиди ҳақида: "Улар "Барса"дан қўрқишади ва ўзларини оқлаш учун баҳона қидиришади. Бу мағлубият учун тактикадир"  9 23:48"Барселона" — "Реал". Испания кубоги финали учун таркиблар маълум  22 23:32РПЛ. ЦСКА Москва дербисида "Спартак"ни мағлуб этди, Файзуллаев 72 дақиқа ўйнади  18 23:14Англия кубоги. "Кристал Пэлас" "Астон Вилла"ни йирик ҳисобда мағлуб этиб, финалга йўл олди. Лондонликлар финалда "Ноттингем Форест" — "Ман Сити" жуфтлиги ғолиби билан бош соврин учун баҳс олиб боради  5 23:00Рафинья Саудия Арабистонидан келган таклиф ҳақида: "Мен уни ўтган йили қабул қилган бўлардим. Ўшанда руҳан эзилган эдим, бу пуллар эса оилам ҳаётини бутунлай ўзгартириб юборган бўларди"  2 22:23Ҳаким Фузайлов: "VAR тизими кечикаётгани туфайли, тахминан июнь ойларида Урганчга қайтамиз"  0 22:14Суперлига. "Сўғдиёна" ўз майдонида "Андижон" устидан зафар қучди  58 22:02"Челси", "Интер Майами" ва "Комо" Де Брюйне билан музокара ўтказмаяпти. "Сити" хавбекига "Чикаго Файр"дан таклиф бор  0 21:40Сергей Лебедев: "Таркибда ротацияларни амалга ошириб турамиз"  2 21:31Эрон кубоги. "Истиқлол" пенальтидан урилган гол эвазига "Пайкон"ни мағлуб этиб, ярим финалга йўл олди, Машарипов 90 дақиқа ўйнади  1 21:24Айбек Нурбаев: "Тақвим зич, 7 кундан буён сафардамиз"  2

Суперлига. 18-турдаги баҳсли вазиятлар юзасидан Эксперт-ҳакамлар комиссияси хулосаси News

Суперлига. 18-турдаги баҳсли вазиятлар юзасидан Эксперт-ҳакамлар комиссияси хулосаси

Жорий йилнинг 16-сентябрь санасида Суперлига 2024-йилги мавсумнинг 18-тури якунига етди.

Ўзбекистон футбол ҳакамлари маркази мазкур учрашувлар тугагач, Эксперт-ҳакамлар комиссиясининг навбатдаги йиғилишини ўтказди ва тур доирасида кузатилган баҳсли вазиятлар таҳлил қилинди. Бу беллашувларда жами 10 та баҳсли вазият юзага келди.  

Қуйида уларнинг батафсил изоҳи ва чиқарилган якуний қарорлар билан танишишингиз мумкин:

1-вазият. "Пахтакор" - "Нефтчи" қарама-қаршилиги: баҳсли қизил карточка.

"Пахтакор" - "Нефтчи" учрашувининг 24-дақиқасида мезбонларнинг 9-рақамли футболчиси фарғоналикларнинг 11-рақамли аъзосига қарши қўполлик ишлатди. Гарчи у тўпга ҳаракат қилган бўлса-да, ўзини тўхтата олмагани боис рақибининг оёғига жиддий зарба бермади. Бош ҳакам Темур Тўхтасинов футболчига сариқ карточка кўрсатди. 

Эксперт-ҳакамлар комиссияси қарори: Бу вазиятда футболчи рақибига нисбатан ўйин қоидасини бузган. Эксперт-ҳакамлар комиссияси ҳакамнинг қарори тўғри эканини маълум қилади.

2-вазият. "Пахтакор" - "Нефтчи" қарама-қаршилиги: баҳсли пеналти.

"Пахтакор" - "Нефтчи" учрашувининг 85-дақиқасида мезбонларнинг 5-рақамли футболчиси узоқдан зарба берди. Тўп эса йўл-йўлакай меҳмонларнинг 4-рақамли футболчисининг қўлига тегди. Бош ҳакам Темур Тўхтасинов баҳсни давом эттирди, ВАР ҳам унинг қарорини маъқуллади. 

Эксперт-ҳакамлар комиссияси қарори: Бу вазиятда ВАР ҳолатга аралашмай тўғри қилган. Ҳимоячи тўпга қўли билан ўйнамаган. Эксперт-ҳакамлар комиссияси ҳакамнинг қарорини тўғри, деб ҳисоблайди.

3-вазият: "Навбаҳор" - "Насаф" ўйини: баҳсли 11 метрлик жарима зарбаси.

"Навбаҳор" - "Насаф" учрашувининг 63-дақиқасида мезбонларнинг 17-рақамли футболчиси рақиб жарима майдонига яқин жойда зарба йўллади. Тўп эса меҳмонлар ҳимоячисига тегди ва йўналишини ўзгартирди. Бош ҳакам Аҳрол Рисқуллаев тўп қўлга тегмади, деган хулосага келди ва учрашувни давом эттирди.  

Эксперт-ҳакамлар комиссияси қарори: Бу вазиятда ВАР ҳолатни текширган ва ҳимоячи тўпни танаси билан қайтарганини кўриб чиққан. Комиссия ҳакамларнинг қарорини тўғри, деб топди.

4-вазият. "Динамо" - "Бунёдкор" тўқнашуви: меҳмонларнинг голи.

"Динамо" - "Бунёдкор" учрашувининг 50-дақиқасида меҳмонлар мувозанатни тенглаштирди. Бош ҳакам Аскер Нажафалиев мазкур ҳолатда ўйиндан ташқари ҳолат ёки фол қайд этилмаганини ва гол тоза урилганини қайд этди.  

Эксперт-ҳакамлар комиссияси қарори: Бу вазиятда ВАР офсайд йўқ эканини текширган. Шунингдек, ҳужумчи ҳимоячига нисбатан ўйин қоидасини бузмаган.  Эксперт-ҳакамлар комиссияси томонидан ҳакамларнинг қарори тўғри, деб топилди.

5-вазият. "Динамо" - "Бунёдкор" тўқнашуви: мезбонларнинг ҳисобга олинмаган голи.

"Динамо" - "Бунёдкор" учрашувининг 79-дақиқасида меҳмонлар рақиб дарвозасини ишғол қилди. Бироқ иккинчи ёрдамчи ҳакам офсайд борлигини маълум қилди ва бош ҳакам Аскер Нажафалиев голни инобатга олмади.  

Эксперт-ҳакамлар комиссияси қарори: Бу вазиятда ҳужумчи рақибидан илдамлаб кетган. ВАР офсайд чизиғини чиза олмаган. Боиси, ўйиндан ташқари ҳолат учун жавобгар техникада носозлик кузатилган. Эксперт-ҳакамлар комиссияси ҳакамларнинг қарорини тўғри, деб ҳисоблайди.

6-вазият. "Андижон" - "Локомотив" қарама-қаршилиги: баҳсли пеналти.

"Андижон" - "Локомотив" учрашувининг 12-дақиқасида мезбонларнинг 21-рақамли футболчиси меҳмонларнинг 15-рақамли вакили билан тўп учун курашди. Бош ҳакам Шавкат Насибуллаев ҳолат пеналти учун етарли эмас, деб ҳисоблади ва баҳсни давом эттирди. 

Эксперт-ҳакамлар комиссияси қарори: Бу вазиятда ҳимоячи тўп учун ўйнаган ва ўйин қоидасини бузмаган. Эксперт-ҳакамлар комиссияси ҳакамнинг қарорини тўғри, деб ҳисоблайди.

7-вазият: "Андижон" - "Локомотив" ўйини: баҳсли 11 метрлик жарима зарбаси.

"Андижон" - "Локомотив" учрашувининг 45-дақиқасида мезбонлар бурчак зарбаси тепиш ҳуқуқига эга бўлди. Тўпни эса меҳмонлар ҳимоячиси қайтарди. Бош ҳакам Шавкат Насибуллаев ҳимоячи қўл билан ўйнамаганини маълум қилди ва учрашувни давом эттирди.  

Эксперт-ҳакамлар комиссияси қарори: Бу вазиятда ҳимоячи тўп учун ҳаракат қилган. Пеналти белгилаш учун асос етарли эмас. Комиссия ҳакамларнинг қарорини тўғри, деб топди.

8-вазият. "Олимпик" - "Металлург" қарама-қаршилиги: баҳсли пеналти.

"Олимпик" - "Металлург" учрашувининг 43-дақиқасида меҳмонлар қулай вазиятга эга бўлди. Бурчак зарбасидан сўнг бекободликларнинг 25-рақамли футболчисига номинал мезбонларнинг 8-рақамли вакили қўполлик ишлатди. Бош ҳакам Достон Мирзарайимов дастлаб учрашувни давом эттирди. ВАР ҳаками уни монитор ёнига чақиргач, рефери нуқтага ишора қилди. 

Эксперт-ҳакамлар комиссияси қарори: Бу вазиятда ҳимоячи рақибига нисбатан ўйин қоидасини бузган. Бу каби ҳолларда пеналти белгиланиши лозим. Эксперт-ҳакамлар комиссияси ҳакамларнинг қарорини тўғри, деб ҳисоблайди.

9-вазият. "Олимпик" - "Металлург" қарама-қаршилиги: баҳсли 11 метрлик жарима зарбаси.

"Олимпик" - "Металлург" учрашувининг 83-дақиқасида номинал мезбонлар қулай вазиятга эга бўлди. Дарвозабон билан деярли бирга-бир вазиятга чиқиб бораётган 64-рақамли футболчисини меҳмонларнинг 24-рақамли вакили зарарсизлантирди. Бош ҳакам Достон Мирзарайимов учрашувни давом эттирди ва пеналти белгиламади, ВАР ҳам унинг қарорини тасдиқлади. 

Эксперт-ҳакамлар комиссияси қарори: Бу вазиятда ҳимоячи рақибига нисбатан ўйин қоидасини бузмаган. У тўп учун ҳаракат қилган. Эксперт-ҳакамлар комиссияси ҳакамларнинг қарорини тўғри, деб ҳисоблайди.

10-вазият. ОКМК - "Сурхон" қарама-қаршилиги: баҳсли қизил карточка.

ОКМК - "Сурхон" учрашувининг 16-дақиқасида меҳмонларнинг 19-рақамли футболчиси олмалиқликларнинг 15-рақамли аъзосига қарши эҳтиётсизлик оқибатида жиддий қўполлик ишлатди. Бош ҳакам Достон Раҳмонов футболчига қизил карточка кўрсатди. 

Эксперт-ҳакамлар комиссияси қарори: Бу вазиятда футболчи рақибига нисбатан кескин тарзда қўпол ҳаракат қилган. Эксперт-ҳакамлар комиссияси ҳакамнинг қарори тўғри эканини маълум қилади.

Rating:    

Comments

championat.asia
< show latest news
Яндекс.Метрика