Суперкубоклар қироли - Марио Манжукич!

Ўз фаолияти давомида Германиянинг "Бавария" ва Испаниянинг "Атлетико" жамоаларида тўп тепган Марио Манжукич ушбу мавсумдан бошлаб Туриннинг "Ювентус" жамоасига кўчиб ўтди. Хорватия терма жамоаси "снайпери" ўзининг янги жамоаси "Ювентус" билан илк совринни қўлга киритишга ҳам улгурди.

Қизиғи шундаки, Марио Манжукич учун бу соврин фаолияти давомида учинчи мамлакатнинг суперкубоги ҳисобланади. Бунга қадар Марио Манжукич "Бавария" билан Германия, "Атлетико" билан Испания ва энди "Ювентус" билан Италия суперкубоги соҳибига айланди.

Энг қизиғи, Марио ҳар сафар ўзи қўшилган жамоа билан дебют учрашувдаёқ суперкубок совринини қўлга киритмоқда.

Яна бир қизиқ факт шуки, Марио Манжукич ҳар уччала суперкубок ўйинларида рақиблари дарвозасини ишғол этишга муваффақ бўлмоқда.

Марио Манжукичнинг суперкубок ўйинларида "Боруссия Д", "Реал" ҳамда "Лацио" жамоалари дарвозасини ишғол этган.

Марио Манжукични суперкубоклар қироли десак муболаға бўлмайди.