Суҳроб Иззатов: “Бунёдкор” ўз номига яраша ўйнашда давом этади”

Таркбида катта йўқотишлар кузатилди. Деярли 80 фоиз асосий таркиб футболчилари “қалдирғочлар” билан хайрлашди. Хўш, жамоа янги мавсумга қандай тайёргарлик кўрмоқда? Бунга жавоб олиш истагида Суҳроб Иззатов фикрларига қулоқ тутдик.  

- “Бунёдкор”нинг янги мавсумга тайёргарлиги қай тариқа кетмоқда?

- Тайёргарлигимиз яхши давом этмоқда ва асосан жисмоний ҳолатимизни яхшилашга катта эътибор берилган. Шу орқали ўқув-йиғин машғулотларимиз режадагидек кетмоқда. Шунингдек, назорат учрашувларига ҳам эътибор қаратилмоқда. 

- Йиғинда янгилар келиб қўшилишда давом этмоқдами?

- Асосан ёшлар таркибимиздаги йигитлар машғулотларда иштирок этмоқда. Шунингдек, АГМКдан келган Суҳроб Султонов, Дилшод Жўраев ва “Андижон”да тўп тепган Усмонали Усмоналиевлар жамоамиз билан бирга.  Менимча, мураббийлар штаби янги ўйинчиларни таклиф қилади. “Бунёдкор”нинг селекция ишлари тўхтаб қолмайди. 

- Мавсум якунига етганидан сўнг кўплаб тажрибали футболчилар тарк этди. Йўқотишлар “Бунёдкор”га қанчалик ўз таъсирини ўтказади?

- Йўқотишлар албатта ўз таъсирини ўтказади. Чунки тажрибали футболчиларимиз тарк этди. Бу катта йўқотиш ҳисобланади. Бироқ “Бунёдкор” ўз номига ва мавқеига яраша ҳаракат қилади. Бўлажак мавсум давомида ҳам бошқалардан қолишмасликга ҳам керакли очколарин жамғаришда давом этамиз. Ким тарк этса ҳам жамоа мақсад ва вазифлари асло ўзгармайди.