Latest news

08:10Фламарион ва Сергеевнинг голлари "шерлар"га "Навбаҳор" устидан ғалаба келтирган учрашувдан галерея  3 08:00КТС тасвирга олган ўйинда "Навбаҳор" ютқазди, Самарқанддаги ўйинда эса Мазгавой "Насаф"ни мағлубиятдан қутқариб қолди  8 07:30Суперлига. Бугун "Нефтчи" "Насаф"га яқинлашиб олиши мумкин  4 02:45Вадим Абрамов: "Насаф"ни узоқлаштириб юбормадик, ҳали умид бор"  6 01:43Фламарион нима сабабдан кўп ўйинларда қайдномага киритилмагани ва Габриэль Жезус билан муносабати ҳақида гапирди  0 01:38Азим Аҳмедов: "Навбаҳор"нинг биринчи даврадаги иштирокини 7-8 баллга баҳолаган бўлардим"  2 01:27Камолиддин Тожиев: "Биз ҳали чемпионлик пойгасини тарк этмадик. Абдиҳолиқов 100% ҳал бўлди"  2 01:23Сергей Лушчан: "5-8та гол ўтказиб юбормаганимиз яхши бўлди. Таркибимиз ўзгармаяпти"  8 01:19Сардор Собирхўжаев: "Бу ўйинда қайси жамоа биринчи гол урса, ўша ғалаба қозонарди"  0 00:58Рўзиқул Бердиев: "Бугунги ўйинда фақатгина ВАР бўлмагани баҳсли вазиятга айланди"  13 00:40Алишер Одилов: "Голим ҳисобланганда, ўйин бошқача бўларди. Буёғи ҳакамнинг виждонига ҳавола"  12 23:32"Барселона" яна Рэшфорд билан музокараларни бошлади  5 22:35Рэшфорднинг келажаги бўйича музокаралар келаси ҳафта бўлиб ўтади. Маркус МЮ ва Аморимнинг режаларига кирмаслигини қабул қилди  7 21:59Суперлига. Пешқадам "Насаф" Самарқандда жанговар дуранг қайд этди  110 21:57Суперлига. "Пахтакор" гол инобатга олинмаган ўйинда "Навбаҳор"ни мағлуб этди  225

Суҳроб Бердиев: "Насаф" устидан ғалаба сенсация эмас, ўйиндан аввал ҳаттоки дурангга ҳам ишонишмаганди" News

Суҳроб Бердиев: "Насаф" устидан ғалаба сенсация эмас, ўйиндан аввал ҳаттоки дурангга ҳам ишонишмаганди"

Александр Хомяков бошчилигидаги "Андижон" жамоаси Суперлига 1-турида Қаршида "Насаф" меҳмони бўлди (1:0).

Мазкур учрашувдан сўнг "бургутлар" футболчиси Суҳроб Бердиевнинг фикрлари билан қизиқдик. 

- Ўйин ҳақида

- Биринчи ўйин ҳар доим қийин бўлади. Айниқса, Қаршида "Насаф"га қарши осон эмаслигини билардик. Бу рақиб билан очиқ ўйин қилиш хато ҳисобланарди. Керакли натижага эриша олмасдик. Шу боис кўпроқ ҳимоявий ва қарши ҳужумда ҳаракат қилдик. Йигитлар мураббийларнинг кўрсатмаларини тўғри бажаришди. Муҳими, натижа. Мавсум бошланишида кучли рақибдан устун келиш кейинги учрашувларда қўшимча ишонч бериши аниқ. Бу ўйин тарихга айланди. Аллақачон навбатдаги баҳс ҳақида ўйлашни бошлаганмиз. 

- "Андижон" бу баҳсда битта аниқ зарба берди ва ўша зарба голга айланди. Ваҳоланки, қишки ўқув-машғулот йиғинларида вазиятлардан фойдаланиш асосий муаммо бўлаётганди...

- Юқорида айтдим, рақибни қарши ҳужумда пойлашимиз керак эди. Сўнгги дақиқаларди битта вазият бўлди ва ундан фойдаландик. Туркиядаги ўртоқлик учрашувларида кўп вазият қилиб, гол ура олмаётгандик. Вазиятлардан самара чиқариш учун олдин уни яратишимиз керак. Олдиндаги беллашувларда кўпроқ имконият ҳосил қилишга ва тўп киритишга ҳаракат қиламиз. 

- Сўнгги вақтларда "Насаф" майдонидан "Нефтчи", "Бунёдкор" ва бошқа жамоалар очко билан қайтаётганини ҳисобга олсак, "Андижон"нинг ғалабаси тасодиф эмас деб ўйлайсизми?

- Йўқ, тасодиф эмас. Ҳеч ким майдонга ютқазиш учун чиқмайди. Биринчи турда узоқ йўл босиб келган мухлислар кўз ўнгида ғалаба учун майдонга тушгандик. 

- Бу бир маротабалик ғалаба бўлиб қолмайдими?

- Тўғри, сенсация дейишмоқда. Кўпчилик кутмаганди. Дурангга ҳам ишонишмаганди, дея оламан. XXI асрда "Андижон" ҳали Қаршида ғалаба қозонмаган экан. Бу жамоада мотивацияни оширади. 

-  Биринчи турда "Пахтакор", "Сўғдиёна", "Насаф" ютқазди. Бундай натижалар нимага ишора бўлиши мумкин? Балки совринли ўринларда ҳеч ким кутмаган жамоани кўрармиз...

- 2-3-турларда ҳам жамоалар ҳали максимал формага кирмаган бўлади. Албатта, ҳозир ҳамма футбол ўйнашни ўрганиб олган. "Андижон" ҳам юқори ўринларга ҳаракат қилади. Тўхтаб қолмаймиз.

- Кўп нарса кутилаётган албаниялик ҳужумчи Рубин Хебай жамоага киришиб кетдими? У қандай таассурот қолдиряпти?

- Рубин жамоага кеч қўшилди. Туркияда ҳам сўнгги кунларда жамоага келди. Машғулотларда, ўйинларда кўриниб турибди, жуда хотиржам. Қолган легионерлар ҳам яхши. Ўзаро яхши чиқишиб кетганмиз. Бир оиламиз. Сўзим якунида бизни ҳар қандай жойда қўллаб-қувватлайдиган мухлисларимизга миннатдорчилик билдириб қоламан. Қаршида ҳам 3-4 нафар эмас, 70-80 нафар андижонлик мухлис бор эди. 

Абдулазиз Искандаров суҳбатлашди

Rating: +5   

Comments

championat.asia
< show latest news
Яндекс.Метрика