Суд ходимлари, ҳакамлар, актёрлар ва журналистлар бир майдонда ФОТО

Ушбу мини турнирда 4та жамоа қатнашди. Равшан Эрматов бошчилигидаги олий лига ҳакамлари жамоаси, Олий суд ходимларидан ташкил топган жамоа, Актёрлар ва Миллий Олимпия қўмитаси ходимларидан ташкил топган жамоа ҳамда футбол журналистлари жамоаси ғолиблик учун кураш олиб борди.

Олий лига ҳакамлари жамоаси сафида Равшан Эрматов, Шуҳрат Пўлатов, Сайфиддин Эрматов ва Шерзод Қосимов каби ҳакамларимиз ўйнашди.

Олимпия қўмитаси жамоаси сафида Алишер Узоқов ва Шерзод Бин каби актёрлар, шоир Ботир Эргашев тўп тепди.  

Барча тўрт жамоа бир-бири билан бир мартадан ўйнади. Дастлабки икки турда рақибларини мағлуб этган Олий суд ва ҳакамлар жамоалари ўзига хос финал учрашувида майдонга тушишди. Унда Олий суд ходимларидан ташкил топган жамоа 2:1 ҳисобида зафар қучиб турнир ғолибига айланишди.

1-тур
Ҳакамлар - Актёрлар ва МОҚ 3:0
Олий суд - Журналистлар 3:0

2-тур
Олий суд - Актёрлар ва МОҚ  3:1
Ҳакамлар - Журналистлар 6:1

3-тур
Журналистлар - Актёрлар ва МОҚ 3:1
Олий суд - Ҳакамлар 2:1

Мусобақа сўнггида бундай турнирлар анъанавий тарзда ўтказиб олишга келишиб олинди.