Суарес Месси билан яна бир клубда тўп тепишига муносабат билдирди
08 jul 2022 20:01
News

Суарес Месси билан яна бир клубда тўп тепишига муносабат билдирди

"Барселона"нинг собиқ ҳужумчиси Луис Суарес "Интер Майами"да Лионель Месси билан қайта учрашиши мумкинлиги ҳақидаги хабарларга изоҳ берди.

"Месси билан "Интер Маями"да ўйнайсизми? Бўлиши мумкин эмас. Ҳозир миш-мишлар кўп. Биз шунчаки футболчилармиз, кунига 24 соат турли бемаъни гапларни рад этиш билан шуғуллана олмаймиз. Леонинг Парижда ўз ўрни бор", - деди Суарес.

Мессининг ПСЖ билан шартномаси келаси ёзда тугайди ва аргентиналик футболчининг бошқа лигага ўтиши мумкинлиги ҳақида кўплаб хабарлар пайдо бўлди.

"Испанияда, Барселонада ўз режаларим бор. Биз Мессининг оиласи билан дўстмиз. Агар у Барселонада яшаш учун қайтса, дўст бўлиб қолаверамиз. Атрофдаги миш-мишлар шунчаки қуруқ гап-сўзлардан иборат", - дея қўшимча қилди ҳужумчи.

Суарес ўтган мавсумни "Атлетико Мадрид" сафида ўтказди, ҳозир эса ҳужумчи ўзига янги клуб изламоқда.

Link :

Source : Marca

Receive latest football news directly on your phone. Subscribe for our Telegram channel!

Rating: +5