Суарес 2013 йилда "Арсенал"га ўтиши мумкин эди: "Ўшанда Жеррард менга жамоада қол, йирик клублардан таклиф оласан деганди"
02 apr 13:57
News

Суарес 2013 йилда "Арсенал"га ўтиши мумкин эди: "Ўшанда Жеррард менга жамоада қол, йирик клублардан таклиф оласан деганди"

Луис Суарес "Ливерпуль"дан "Арсенал"га ўтиши мумкин бўлгани ҳақида айтиб берди.

"2013 йилда мен "Арсенал"га ўтмоқчи эдим, чунки улар ҳар йили Чемпионлар лигасида иштирок этишарди. Улар мен учун катта пул тўлашга тайёр эдилар, лекин Англияда "Ливерпуль"дан "Арсенал"га ўтиш яхши ғоя эмас деб ҳисобланарди.

Бир куни Жеррард менга келиб шундай деди: «Қулоқ сол, бир пайтлар мен "Реал"га ёки бошқа клубга ўтишим мумкин эди. Ҳозир сен учун энг яхши қарор – қолиш ва "Арсенал"га ўтмаслик. Қол, кейинги йили "Барселона", "Реал" ёки "Бавария" каби катта клублардан таклиф оласан – ўшанда қарор қабул қиласан, лекин "Арсенал"га ўтма. Олдинда яна бир мавсум бор".

Мен ҳамиша "Барса"да ўйнашни орзу қилардим. "Барселона" билан шартнома имзолаганимда, бу орзуимнинг амалга ошиши эди", – деди "Интер Майами" ҳужумчиси.

Link :

Source : Mundo Deportivo

Receive latest football news directly on your phone. Subscribe for our Telegram channel!

Rating: +8