Сречко Катанец МОҚга ташриф буюрди
19 aug 2021 18:38
News
Сречко Катанец МОҚга ташриф буюрди
Кеча тунда Тошкентга етиб келган словениялик мураббий Сречко Катанец футбол бўйича Миллий терма жамоамиз бош мураббийи сифатида эълон қилиниши кутилмоқда. Бугун у юртимизнинг спорт инфратузилмаси билан танишар экан, Ўзбекистон Миллий Олимпия қўмитасига ҳам ташриф буюрди. Меҳмонни МОҚ раиси Рустам Шоабдураҳмонов, Қўмита раисининг биринчи ўринбосари, Ўзбекистон футбол ассоциациясининг биринчи вице-президенти Равшан Ирматов ва ассоциация мутасаддилари кутиб олишди.
Ташриф давомида Сречко Катанецга ўзбек спортининг бой тарихи, яқинда якунига етган Токио-2020 ва бошқа Олимпия ўйинларида атлетларимиз қайд этган натижалар, истиқболли режалар хусусида маълумот берилди. Шунингдек, мутахассис МОҚ қошида тузилган ва спортчиларимиз учун хизмат қилаётган Республика спорт тиббиёти илмий-амалий маркази ҳақида ҳам ахборот олди.
МОҚ раҳбарияти Катанецнинг терма жамоамизда кўришдан мамнун экани, яқин вақт давомида кўплаб режаларни ҳамкорликда амалга оширишдан умидвор эканини билдириб, унинг фаолиятига омад тилаб ўтди.
Similar news
championat.asia
Умтити Месси ҳақида: "Фақатгина Месси ўйинни ёлғиз ўзи ютишга қодир эди"
"Ўзбекнефтгаз" "Насаф", "Бухоро" ва "Бунёдкор" клубларини молиялаштиришни тўхтатмоқда
Кроос Саудия Арабистони лигасини танқид қилди: "Роналдусиз уни яна унутишади"
"Ал Иттиҳод" Салоҳнинг агенти билан музокаралар олиб бормоқда
Comments