Сречко Катанец: "Ҳали ҳеч нарсага эришмадик"

Терма жамоа бош мураббийи Сречко Катанец машғулотлар олдидан футболчиларга мурожаат қилди. 

"Яна бир бор ғалаба билан табриклайман. Ҳали ҳеч нарсага эришмадик. Бу оддий 3 очко. Биринчи бўлимда қандай ўйнаганимизни биласизлар. Хатоларимиз бўлди. Тўғри, майдон фактори сабаб бўлиши мумкин. Лекин Эронга қарши бундай ўйнаб бўлмайди. Рақиб жиддий. Шунинг учун диққатни йўқотмаймиз. Дўстлар, таниш-билиш яхши. Лекин ҳар доим концентрацияни сақлаш, машғулотда ҳам борини бериб ишлаш керак. Ҳар бир машқни тезроқ бажаришга ҳаракат қилинг. Тезкор қарор, тезкор паслар зарур. 

Кўряпман, секин юрибсизлар. Ўйин пайтида секин ҳаракат қилиб бўлмайди, тезкор қарор қабул қилиш керак. Бу машғулотдан бошланади. Бошқа нарсани ўйламаймиз. Биламан ҳаммани ота-онаси бор. Лекин биз профессионалмиз. Диққат - эътиборни сақлаган ҳолда ишлаймиз. Ижобий натижага эришиш учун яхши имкониятга эгамиз. Биз Эронни ютамиз. Фақат бирдамлик билан, компакт ўйнаб бунга эришиш мумкин. Бироз диққатни йўқотсак, муаммо юзага келади", - деди Сречко Катанец.