Спаллетти "Юве" билан учрашувдаги Хвичанинг ўйини ҳақида гапирди

"Кварацхелия дунёнинг энг кучли ўйинчиларига хос техникага эга. 

Унда ўзига хос голни сезиш қобилияти бор. У ҳар доим дарвозабонларга жуда қийин бўлган ноаниқ ечимларни ўйлаб топади. У ҳар томонлама яхши ўйинчи", – деди Неаполь клуби бош мураббийи.

Хвича "Ювентус" билан ўйинда 1 та гол урди ва 2 та голли узатмани амалга оширди.

21 ёшли футболчи жорий мавсум "Наполи" учун жами 20 та ўйинда майдонга тушди ва 9 та гол уриб, 10 та голга ҳаммуаллифлик қилди.

"Наполи" айни пайтда Италия А Серияси турнир жадвалини бошқариб бормоқда. Улардан битта кам ўйин ўтказган "Милан" 10 очко ортда қолган ҳолда иккинчи ўринни эгаллаб турибди.