"Сосьедад" дарвозабони: "Бу пенальти эмас"
02 apr 15:15
News


"Сосьедад" дарвозабони: "Бу пенальти эмас"
Кеча "Сосьедад" Испания Кубоги ярим финалида "Реал"га қарши жавоб ўйинини ўтказди (4:4, биринчи ўйинда 0:1).
49-дақиқада дарвозабон Алекс Ремиро тўпга етишга уринар экан, Жуд Беллингемнинг юзига қўли билан тегиб кетди. Бош ҳакам Хавьер Альберола Рохас қоида бузилиши йўқ деб ҳисоблади.
"Менимча, бу пенальти эмас. Мен лавҳани кўрдим. Мен фақат гол уришига тўсқинлик қилмоқчи эдим ва хато қилиб унга тегиб кетдим. Ҳакам бизга ҳаммасини тушунтирди.
"Реал"нинг учинчи голидан олдин, бурчак тўпи олдидан, эҳтимол Мбаппе офсайдда эди – у Субельдия ёнида [ва унга халақит берди].
Кейин Винисиус билан бирга-бир чиққанда қутқардим, тўпни ушлаб турдим, лекин у қўлимдан тўпни чиқариб юборди. Мен буни ҳакамга айтдим, лекин у кўрмаганини айтди.
Кўп нарса содир бўлди. Иккала томондан тўрттадан гол урилди. Олдинга қадам ташлашда давом этишимиз керак", – деди "Сосьедад" дарвозабони El Chiringuito дастури эфирида.
Similar news

Comments