Сўнгги тур, "Гулистон" олий лига билан хайрлашмоқчи(ми)?

"Қўнғиз ҳам боласини оппоғим", деганидек, биз ҳам олий лигамизга кўникишга мажбурмиз. Бугун "Гулистон" жамоасининг ашаддий мухлисларидан бири тахририятимизга қўнғироқ қилиб, футболчилар орасида бугун жамоа мағлубиятга учраб олий лигадан чиқиб кетиши кераклиги ҳақида гап юрганлигини куюниб гапирди. Бундай бўлишига асосий сабаб, 2014 йил учун жамоа бюджетга эга бўлмаслиги, шу йилни ўзи аранг якунланаётгани айтилган. Бугун "Гулистон" - "Қизилқум" учрашувида майдон эгаларини фақат ва фақат ғалаба қаноатлантиради. Акс ҳолда жамоа элита билан хайрлашади.

"Биз мухлислар бунга лойиқ эмасмиз. Неча йиллар давомида олий лигани қўмсаб яшадик, якунда эса орзуларимиз мана шундай тарзда парча бўляпти. Бахтиёр Ашурматовга раҳмат айтамиз. У киши қийинчиликка қарамай ишлади. Балки бугун ғалаба қозонсак 2014 йил молиявий ҳолатимиз ўнгланар. Илтимос футболчилар, бугун ғалаба қозонинг!", - дейди ўзини Акбар дея таништирган гулистонлик мухлис.