Сон Хен Мин армия туфайли 2 йил футболдан четда қолиши мумкин
29 sep 2016 18:43
News

Сон Хен Мин армия туфайли 2 йил футболдан четда қолиши мумкин

«Тоттенхэм» ҳужумчиси Сон Хен Мин Жанубий Корея қуролли кучлари сафида хизмат қилиш мажбурияти туфайли фаолиятини тўхтатиб туриши мумкин.

Жанубий Кореяда ҳарбий хизмат мажбурий ҳисобланади. Машҳурлар ҳам армияда хизмат қилишади, акс ҳолда уларни қамоқ жазоси кутади.

Мамлакатдаги ҳар бир эркак 28 ёшга қадар 21 ой қуролли кучлар сафида хизматни ўташи керак. 24 ёшли Сон фақат бир ҳолатдагина хизматга бормаслиги мумкин. У Жанубий Корея терма жамоаси сафида Жаҳон ёки Осиё чемпионати каби халқаро мусобақаларда муваффақиятли иштирок этиши керак.

Футболдаги хизматлари учун «Суонси» вакили Ки Сун Ен, «Манчестер Юнайтед» собиқ ярим ҳимоячиси Пак Жи Сун ва «Тоттенхэм» собиқ ҳимоячиси Ли Юн Пьё армияга боришмаган.

Эслатиб ўтамиз, Жанубий Корея терма жамоаси ЖЧ-2018 саралашида Ўзбекистон билан бир гуруҳдан ўрин олган.

Link :

Source : dailymail.co.uk

Receive latest football news directly on your phone. Subscribe for our Telegram channel!

Rating: +13