Соломин ўзига янги жамоа қидиради
17 nov 2013 12:45
News

Соломин ўзига янги жамоа қидиради

Якунига етган чемпионатда “Шўртан” клуби шарафини ҳимоя қилган Павел Соломин ўзига янги жамоа қидирадиган бўлди.

Маълумки, чемпионат якунларига кўра, ғузорликлар олий лигани тарк этишди. Натижада “Шўртан” билан бир нечта асосий таркиб футболчилари хайрлашиши кутилмоқда. Тошкентлик ҳужумчи ҳам шулар жумласидандир.

“Ҳозирча таътилдаман ва фаолиятимни қаерда давом эттиришни кўп ҳам ўйлаётганим йўқ, - дейди Соломин. – Кейинчалик ўзимга янги жамоа қидирсам керак”.

Маълумот ўрнида айтиб ўтамиз, Соломин бу йил олий лигада 25та ўйинда майдонга тушиб, жами 1832 дақиқа ҳаракат қилди ва 7та гол уриб, тўрт марта сариқ карточка билан жазоланди.

Link :

Source : championat.asia

Receive latest football news directly on your phone. Subscribe for our Telegram channel!

Rating: