“Сўғдиёна”: Тайёргарлик бошланди
05 jun 2017 07:15
News

“Сўғдиёна”: Тайёргарлик бошланди

Жиззахнинг “Сўғдиёна” жамоаси қисқа муддатли таътилдан сўнг бугун “Сўғдиёна” қароргоҳида йиғилди ва машғулотларни бошлаб юборди.

Жамоа икки маҳал машғулотларни олиб боради ва мураббийлар штаби томонидан режалаштирилган ўртоқлик учрашувига ҳамда 13-турдаги рақиб “Навбаҳор”га қарши тайёргарлик кўради.

Эслатиб ўтамиз, жамоа 13-тур учрашувларига тайёргарлик кўриш ва ФИФА кунларидан унумли фойдаланиш мақсадида “Динамо” билан ўртоқлик учрашуви ўтказади. Ўйин 9 июнь куни соат 18:30 да Самарқандда “Динамо” стадионида бўлиб ўтади.

Олий лиганинг 13-турида жамоа ўз майдонида “Навбаҳор”ни қабул қилади. Баҳс 14 июнь куни “Сўғдиёна” стадионида бўлиб ўтади.

“Сўғдиёна” матбуот хизмати