"Сўғдиёна": Мухлисларга ташаккурнома!

Жиззахлик футбол мухлислари азал-азалдан мамлакатимизда ўз ўрни ва ҳурматига эга. Улар ўз севимли жамоасини оғир кунларида ҳам, хурсандчилик кунларида ҳам, умуман ҳар қандай ҳолатда ҳам юракдан қўллаб-қувватлаб туришади. Жамоамизнинг Тошкентда “Локомотив” жамоасидан учраган йирик ҳисобдаги мағлубияти барчага руҳий томондан таъсир қилган бўлса ажабмас. 19-турда Жиззахдаги “Навбаҳор” билан ўйинда мухлисларнинг стадионни тўлдириб жамоани тинмай қувватлаб туришлари, айниқса кечаги “Металлург” билан бўлган ажойиб ўйинда Жиззахлик мухлислар Бекободда ўз севимли жамоаларини юқорий кайфиятда мухлислик қилишлари жамоамизнинг руҳий тушкинликни енгиб, майдонда ўзларига бўлган ишончни қайтаришларига катта ёрдам берди.

“Сўғдиёна” ПФК раҳбарияти,маъмурияти ва барча аъзолари жамоамизнинг ашаддий ва доимий мухлисларига уларнинг қўллаб-қувватлашлари учун чин юракдан миннатдорчиларлик билдириб қоламиз. Уларга ҳар доим футбол қувончлари, хурсандчиликларидан роҳат олиб юришларини тилаб қоламиз!