“Сўғдиёна”: "Бухоро" билан ўртоқлик ўйини бўлиб ўтади ва бошқа хабарлар…

Александр Мочинов бошчилигидаги жамоа ҳар куни икки маҳал машғулот олиб бормоқда. Эрталабки машғулот асосан футболчиларнинг жисмоний ҳолатини яхшилашга қаратилган ҳолда ўтказилмоқда. Унда футболчилар тренажёр залларида ва сунъий қопламали майдонларда машғулотларни олиб боришмоқда.

Кечги машғулотлар давомида футболчилар тўплар билан машқлар бажариш турли хил ўйин  тактикаларни амалда синаб кўрмоқда. Назарий дарсларда мураббийлар штаби томонидан дунёнинг кучли жамоалари иштирокидаги ўйинлар лавҳалари намойиш этилиб футболчиларга ўйиннинг қай пайтида қандай ҳаракат қилиш борасида батафсил тушунчалар берилаяпти.

Аввалги хабарларда "Сўғдиёна" 25 январда “Пахтакор”, 28 январда “Навбаҳор”,  5 февралда “Қизилқум”  жамоалари билан ўртоқлик учрашувлари ўтказилиши хақида хабар берган эдик. Жамоа мураббийлар штаби бугун яна бир жамоа билан ўртоқлик учрашувини ўтказишни қарор қилди. Спаррнинг рақиб сифатида “Бухоро” жамоаси танланди. Беллашув 1 февраль куни бўлиб ўтиши режалаштирилган.

Тошкентдаги йиғинга бир нечта футболчиларни келиб қўшилгани ҳақида айтиб ўтиш лозим. “Нефтчи” жамоасида ажойиб ўйинларни ўтказган Шерзод Хакимов, “Навбаҳор” дан Мурод Ражабов, 2015 йилда жамоа сафида ҳаракат қилган Иззат Ғаниев, “Динамо”дан  Шохрух Ҳолматов ва “Бухоро” жамоасида ажойиб мавсум ўтказган аммо жароҳати сабаб бир муддат футболдан ташқарида бўлган дарвозабон Сардор Қобулжонов айни пайтда жамоа билан машғулотларни олиб бормоқдалар.

Жамоа мураббийлар  штабига яна бир мураббий келиб қўшилди. “Металлург”  жамоасида ёрдамчи мураббий бўлиб фаолият олиб борган Микола Шевченко эндиликда бош мураббий Александр Мочиновга ёрдам беради.

Йиғин давомида бир нечта футболчилар ҳам кўрикдан ўтмоқда. Россиянинг ЦСКА ва “Динамо”  клубларининг ёшлар лигасида тўп сўрган Сергей Евтушенко жамоа билан йиғин олиб борди аммо айрим сабабларга сабабларга кўра  ёш иқтидор эгаси жамоа лагерини тарк эди.