Скоулз: "Рэшфорд МЮдан тезроқ кетгани яхши"

"Менимча, Рэшфорд ўз ҳаракатлари билан кўпчиликни ранжитди, балки мураббий айнан шуни назарда тутаётгандир. Энди ёш футболчиларни ўйланг, хаёлимга Алехандро Гарначо келмоқда. Улар айнан Маркусга ўхшаган инсонлардан ўрнак олишади-ку, у 27 ёшда ва керакли даражада машғулотларда меҳнат қилмаяпти, ҳаёт тарзи ҳам нотўғри.

Ҳа, у ўйинларда майдонга тушишдан бош тортмаяпти, лекин унинг машғулотлардаги иштироки ва майдондан ташқарида ўзини тутиши... Қайсидир маънода у бу жамоа билан ишлаш нияти йўқлигини намоён қилмоқда, бу ҳолат клубдаги бошқа футболчиларга ҳам таъсир қилиши ҳеч гап эмас, уни кийим алиштириш хонасига киритмаслик керак.

Бу ҳолат, етмаганига ёш футболчиларнинг кўз ўнгида, давом этаверса, Маркус "Манчестер Юнайтед"дан тезроқ кетгани яхши".