Сколари истеъфога чиқишини маълум қилди
12 jul 2014 15:32
News

Сколари истеъфога чиқишини маълум қилди

Бугун ЖЧ-2014 бронза медали соҳибини аниқлаб берувчи Бразилия – Голландия учрашуви Луис Фелипе Сколари учун “пентакампеонлар” бош мураббийлик постидаги сўнгги ўйин бўлиши айтилмоқда.

“Менинг Бразилия терма жамоасидаги фаолиятим Голландияга қарши кечадиган ўйиндан сўнг якунланади. Ўтган вақт мобайнида терма жамоа билан турли синовлардан биргаликда ўтдик. Бу бир умрга менинг қалбимда қолади. Ҳозир бор эътиборимни 3-ўрин учун кечадиган ўйинга қаратганман.

Олдимда турган энг муҳим вазифа футболчиларни ўйинга руҳий жиҳатдан тайёрлай олишдир. Кейин нима бўлади? Барча масалани федерация раҳбарияти ҳал қилади. Лекин бир ярим йиллик фаолиятим давомида эслашга арзигулик ютуқлар ҳам бўлди.

Афсуски, ўз юртимизда чемпион бўлиш орзуси амалга ошмади. Орзуларимиз чил-парчин бўлди. Энди ҳеч бўлмаганда бронза медалини қўлга киритишимиз керак”, - деди Сколари.

Link :

Source : olamsport.com

Receive latest football news directly on your phone. Subscribe for our Telegram channel!

Rating: