Симоне Инзаги "Интер"нинг муаммоларини айтди

"Статистикалар бизни ЕЧЛ ва Италия Кубогидан кўра, А Серияда яхшироқ эканлигимизни кўрсатмоқда. Бироқ натижалар буни тасдиқламаяпти. Ҳозир биз нима қилсак ҳам рақиб дарвозабонлари - Очоа, Дронговски ва бошқалар учрашувнинг энг яхшилари бўлмоқда.

Жамоадагилар очко ва ғалабалар кераклигини тушуниб турибди. 2023 йилда биз ўз даражамиздаги каби ўйнай олмаяпмиз. 16 ой давомида мунтазам гол уриб келдик, энг яхши ҳужум чизиқларидан бири бизда бўлди, энди эса вазиятлардан фойдаланиш анчагина камайди. Жамоа вазиятлар яратмоқда, бироқ бизга буни якунлаш муҳим.

Чемпионатда "Милан"дан 2 очкога ортда қоляпмиз. Бизда ЕЧЛ поғонасига жойлашиш учун барчаси етарлича. Бироқ "Жузеппе Меацца"даги мағлубият бизни огоҳликка чақириши керак. Жамоа яхши, вазифаларни бажара олади. Биз Италия Кубоги ва ЕЧЛдаги иштирокни давом эттиряпмиз.

ЕЧЛда бошқа кайфият, чемпионатда бошқа кайфият деган фикрга эса қўшилмайман", - деди Инзаги.

"Интер" 5 ўйиндан буён А Серияда ғалаба қозона олмаяпти. Жамоанинг навбатдаги учрашуви 19 апрель куни ЕЧЛ доирасида "Бенфика"га қарши бўлади.