Симеоне: “Германия терма жамоасининг нозик жойи бор”

“Ўйин бошланишидан олдин мен дўстларимга Аргентина Голландияни пенальтилар сериясида ютишини айтган эдим. Улар мени ақлдан озганлигимни айтишди, аммо учрашув қанча чўзилса Аргентинада шунча кўп имконият пайдо бўлишини билардим.

Германия – жуда кучли ва бир бутун жамоа, Йоахим Лёв эса – буюк мураббий. Аргентиналикларга Германиянинг юқори даражадаги ҳимоя чизиғи ёрдам бериши мумкин. Месси ва Игуаиннинг тезлиги ҳал қилувчи аҳамиятга эга бўлиши, Аргентина немисларнинг ҳимоя калитини топиши мумкин. Фикримча, Аргентина пенальтилар бўйича ютади” – дейди мутахассис.