Шюррле "Вольфсбург"га, Куадрадо "Челси"га йўл олмоқда
30 jan 2015 11:41
News

Шюррле "Вольфсбург"га, Куадрадо "Челси"га йўл олмоқда

"Челси" ҳужумчиси Андре Шюррле "Вольфсбург" билан шахсий шартнома борасида келишувга эришди.

Sky Sports нашрининг хабарига кўра, клублар ҳозирча трансфер борасида келишувга эришишмаган. Аммо германиялик футболчи 20 миллион фунт эвазига ўз ватанига қайтиши мумкин.

24 ёшли Шюррле "Челси"да доим ҳам майдонга тушавермайди, шу боис Бундеслигада иккинчи ўринда бораётган "Вольфсбург"га ўтишни истамоқда.

Андренинг сотувидан тушган пулни "кўклар" "Фиорентина"дан Хуан Куадрадони харид қилиш учун ишлатишади. Колумбиялик футболчи "Челси"га 23.3 миллион фунт эвазига кўчиб ўтиши кутилмоқда, деб хабар бермоқда The Guardian нашри.

Хуан эртага Лондонда тиббий кўрикдан ўтади ва "Стэмфорд Бридж"да "Манчестер Сити"га қарши ўйинни кузатади.

Link :

Source : fapl.ru

Receive latest football news directly on your phone. Subscribe for our Telegram channel!

Rating: